Sentyabrın 28-də Azərbaycan Ağırlıqqaldırma Federasiyasının növbədənkənar ümumi yığıncağı keçirilib. Gənclər və İdman Nazirliyinin inzibati binasında keçirilən tədbir Dövlət Himnimizin səsləndirilməsi ilə başlanıb. Sonra Vətənimizin azadlığı uğrunda canından keçən şəhidlərimizin ruhu 1 dəqiqəlik sükutla yad olunub.
BUTA.TV xəbər verir ki, əvvəlcə gənclər və idman naziri Fərid Qayıbov konfrans iştirakçılarını salamlayaraq onlara uğurlar arzulayıb.
Azərbaycan Ağırlıqqaldırma Federasiyasının fəaliyyəti barədə hesabat dinlənilib, rəy və təkliflər səsləndirlib. Federasiyanın Nizamnaməsinə əlavə və dəyişikliklər də səsvermə ilə qəbul edilib.
Onlardan biri Azərbaycan Ağır Atletika Federasiyasının adının dəyişdirilməsi olub. Qurumun rəsmi şəkildə Azərbaycan Ağırlıqqaldırma Federasiyası adlandırılması qərarı qəbul edilib.
Sonra federasiya rəhbərliyinə yeni seçkilər keçirilib. Azərbaycan Sənaye Korporasiyasının baş direktoru Kamran Nəbizadə federasiyanın yeni prezidenti seçilib.
Yığıncaqda həmçinin Firdovsi Umudov və Mirsəməd Mövsümzadə federasiyanın vitse-prezidenti vəzifələrinə seçiliblər.
Yığıncaqda Azərbaycan Ağırlıqqaldırma Federasiyasının prezidenti Kamran Nəbizadə çıxış edərək qurumun bundan sonrakı fəaliyyəti və qarşıdakı planları barədə danışıb. Tədbirin sonunda Milli Olimpiya Komitəsinin vitse-prezidenti Çingiz Hüseynzadə çıxış edib, uğurlar arzulayıb.
Qeyd edək ki, Kamran Nəbizadə Milli Məclisinin V çağırış deputatı olub.
- Azərbaycan 4 erməni məhkumu bu iki əsirlə dəyişib - Rəsmi
- Bakı Metropoliteni yenə “2” aldı - Şok zərər
- İranın Ermənistanı “vəfasızlıq”da suçlamasının səbəbləri
- Azər Bayramov nazir müavini təyin edildi
- Bakı 4 ermənini təhvil verdi, digərləri də buraxılacaq?
- Azərbaycanı ləkələmək istəyən ermənilərə aid hesablar
- İsraillə birgə süni mayalanma mərkəzi yaradılacaq - Nazir
- Sevinc Osmanqızı və Abid Qafarovun cəzası bəlli oldu