Türkiyə Prezidenti Rəcəb Tayyib Ərdoğanla İran Prezidenti Məsud Pezeşkian arasında dünən baş tutan görüşün təfərrüatı məlum olub.

BUTA.TV xəbər verir ki, bu barədə Türkiyə mətbuatı məlumat yayıb.

Məlumata görə, görüş zamanı Ərdoğan Pezeşkiana regional təhlükəsizliyi təhdid edən İsrail təcavüzünə qarşı sülhə xidmət edəcək addımların atılmasının vacib olduğunu deyib:

“Beynəlxalq ictimaiyyət İsrailin Fələstin və Livan ərazilərində həyata keçirdiyi zorakılığa mümkün qədər tez son qoymaq üçün beynəlxalq hüquq, diplomatiya və insan haqları əsasında səsini ucaltmalıdır. Türkiyə Fələstin torpaqlarında dinc sakinlərə humanitar yardım göstərmək üçün səylərini artırır. Bu, xüsusilə İsrail tərəfindən qırğınların baş verdiyi Qəzza zolağında edilir”.

Türkiyə ilə İran arasında tarixi və mədəni əlaqələrə toxunan Ərdoğan ikitərəfli münasibətlərin bütün sahələrdə inkişaf edəcəyinə və möhkəmlənəcəyinə əminliyini ifadə edib.

• Nöqsana görə qovulan direktor şikayət etdi, rədd cavabı aldı
• Suala elə cavab verdi ki, əvvəl güldürdü, sonra kədərləndirdi
• Bakıda daha bir marşrutda bütün avtobuslar yenilənir
• Azərbaycanda vəzifəli şəxs cərimələndi
• “Qarabağ”ın Avropa Liqasındakı rəqibi ikinci liqa klubudur - Yenilənib
• Bu reys dostluq və əməkdaşlığın növbəti rəmzi olacaq - Manizadə
• Xüsusi təyinatlılar bir araya gəldi - Qafqazda mühüm gün+Fotolar
• Məşhur bloger Anar Ələkbərova görün nə hədiyyə etdi - Video