Bu ay Bakıdan xaricə birbaşa aviareyslərin ən yüksək minimum qiyməti Polşanın paytaxtı Varşava istiqamətində qeydə alınıb.
BUTA.TV xəbər verir ki, bu barədə Dövlət Turizm Agentliyinin hesabatında bildirilib.
Qeyd olunub ki, Azərbaycan paytaxtından Varşavaya birbaşa uçmaq 265 avroya, tranzit yolla uçmaq isə 196 avroya başa gəlib.
Bunlar, ötən ilin eyni ayı ilə müqayisədə müvafiq olaraq 42,4 % və 55,1 % çoxdur.
2-ci yerdə Rusiyanın Novosibirsk şəhəri qərarlaşıb. Bu şəhərə birbaşa və tranzitlə aviabiletlərin qiymətləri müvafiq olaraq 251 və 260 avro təşkil edir. Ötən ilin eyni dövrünə nisbətən qiymətlər müvafiq olaraq 11,7 % və 30,6 % azalıb.
3-cü yeri isə Rusiyanın Nijni Novqorod şəhəri tutub. Bu şəhərə birbaşa uçuş üçün 226 avro (ötən il birbaşa aviareys olmayıb), tranzit uçuş üçün isə 243 avro ödənilib ki, bu illik müqayisədə müvafiq olaraq 15,4 % azdır.
Sentyabrda Bakıdan tranzit aviareyslərin ən yüksək minimum qiyməti 721 avro (- 46,8 %) olmaqla Cənubi Koreyanın paytaxtı Seula qeydə alınıb. İlk üçlüyə Yaponiyanın paytaxtı Tokio 659 avro ( - 55,2 %) və Misirin Şarm-əl-Şeyx şəhəri 579 avro (- 6 %) qiymətlə daxil olub.
- Rus icmasından Yekaterinburqdakı vəhşiliklə bağlı açıqlama
- Azərbaycan nümayəndə heyəti Moskvaya səfərdən imtina etdi
- Azərbaycanda böyük narazılıq var... - Markov
- Daha bir azərbaycanlı məhkəməyə çıxarıldı
- Rusiya ilə bütün mədəniyyət tədbirləri ləğv edildi
- İran azərbaycanlıların da vətənidir: buna imkan vermərik
- Rusiyada azərbaycanlılara qarşı zorakılıq – Rəhimov çağırış etdi
- Bu qətllə Bakıya bu ismarış göndərildi - Deputat