Marketdən alınan çörəyin içindən həşərat çıxıb.
BUTA.TV Oxu.az-a istinadən xəbər verir ki, bununla bağlı sosial şəbəkədə şikayət paylaşılıb.
Şikayətçi qeyd edib ki, çörəyi doğrayan övladı gözlənilməz mənzərə ilə rastlaşıb:
"Uşaq çörəyin içindən çıxan həşəratı görüb iyrəndi. Bütün bədəni bir anda səpdi".
Məsələ ilə bağlı açıqlama verən Azərbaycan Respublikasının Qida Təhlükəsizliyi Agentliyi (AQTA) faktın araşdırılacağını bildirib.
"Sosial şəbəkələrdə yayılan görüntülər Azərbaycan Respublikasının Qida Təhlükəsizliyi Agentliyi tərəfindən nəzarətə götürüləcək və qanunvericiliyə uyğun olaraq araşdırılacaq. Araşdırmaların nəticəsi barədə ətraflı məlumat veriləcək. İstehlakçılardan xahiş edirik ki, qida sahəsində hər hansı bir uyğunsuzluqla rastlaşdıqda araşdırılıb müvafiq tədbirlərin görülməsi üçün mütləq şəkildə AQTA-nın "1003" qaynar xəttinə məlumat versinlər"- açıqlamada qeyd olunub.
Qeyd edək ki, ölkəmizdə qida təhlükəsizliyi məsələləri həmişə yüksək prioritet daşıyıb. Dövlət qurumları tərəfindən mütəmadi olaraq qida istehsalı və satışı müəssisələrində monitorinqlər aparılır, aşkarlanan qanun pozuntuları və çatışmazlıqlarla bağlı ciddi tədbirlər görülür. Buna baxmayaraq, bəzən bu cür xoşagəlməz hallarla da üzləşmək mümkündür.
- FHN Muğan regionunda taktiki-xüsusi təlim keçirdi - Video
- DYMX "açıq qapı" tədbiri keçirdi
- Xırdalanda yeni kanalizasiya kollektoru inşa edilir
- Veysəloğlu “Süni Zəka Dövründə Liderlik” mövzusunda forum keçirdi
- Əməliyyat: Yetkinlik yaşına çatmayan qız saxlanıldı - Video
- "Bakcell" bu tədbirin əsas tərəfdaşı oldu
- Xanımının vəfatından sonra ölkədən getmişdi - 94 yaşını xəstəxanada qeyd edir
- Küləkli hava şəraiti ilə bağlı sarı xəbərdarlıq