İki regional təhsil idarəsinin müdiri yeni vəzifəyə təyin edilib.

BUTA.TV xəbər verir ki, bu barədə elm və təhsil naziri Emin Əmrullayev müvafiq əmr imzalayıb.

Əmrə əsasən, Elçin Vaqif oğlu Kərimov Gəncə-Daşkəsən Regional Təhsil İdarəsinə müdir təyin edilib. E.Kərimov 2022-ci ildən Mərkəzi Aran Regional Təhsil İdarəsinin müdiri vəzifəsində çalışıb.

Nazirin digər əmri ilə, Mərkəzi Aran Regional Təhsil İdarəsinin müdiri vəzifəsinin icrası idarənin müdir müavini Cavad Alı oğlu Cavadova həvalə edilib.

Gəncə-Daşkəsən Regional Təhsil İdarəsinin müdiri Anar Qədiməliyev isə Bakı şəhəri üzrə Təhsil İdarəsinə müdir müavini təyin edilib.

Qeyd edək ki, Anar Qədiməliyev 2022-ci ildən Gəncə-Daşkəsən Regional Təhsil İdarəsinin müdiri vəzifəsində çalışıb.

• Azərbaycana minnətdarıq - Sikorski
• Bakı bu təşkilatda ən dominant oyunçulardandır - Avraham
• İran çox şey itirdi, amma simasını... - Mixaylov
• Rusiya səfirliyinin əməkdaşları ölkəmizə təxliyə olundu
• İsrail-İran savaşı: Ərəblər bir daha əmin oldular ki...
• İran da, İsrail də “qazandığını” deyir: Bəs, uduzan kim?
• Trampın siyasətdə acizliyi üzə çıxdı - Mixaylov
• İran 44 günlük savaşdakı taktikadan istifadə etdi