Rusiya Prezidenti Vladimir Putin Şimali Osetiya-Alaniya Respublikasının başçısı Sergey Menyaylo ilə görüşdə ölkədə alma qıtlığının davam etdiyini və bu problemin həlli istiqamətində inkişafa ehtiyac olduğunu deyib.
BUTA.TV Oxu.az-a istinadən xəbər verir ki, bu barədə Rusiya mətbuatı məlumat yayıb. Menyaylo, öz növbəsində bildirib ki, onun regionunda 1,5 min hektar ərazisi olan Rusiyanın cənubundakı ən böyük alma bağı yerləşir.
"Yenə də defisit (çatışmazlıq - red.) var. Təkmilləşdirmənin aparılacağı istiqamət bəllidir", - deyə prezident vurğulayıb.
Qeyd edək ki, avqust ayında Rusiya Kənd Təsərrüfatı Nazirliyinin rəhbəri Oksana Lut iddia etmişdi ki, keçən il Rusiyanın alma ilə təmin edilməsi 87 faiz təşkil edib və hakimiyyət 2028-ci ildə bu rəqəmi 100 faizə çatdırmaq niyyətindədir.
Həmçinin bildirilir ki, Rusiyada may şaxtaları səbəbindən almaların 50%-dən 70%-ə qədəri zədələnib. Rusiya Kənd Təsərrüfatı Nazirliyi də oktyabrın əvvəlində bu şaxtalarla əlaqədar ölkənin mərkəzi və şimal-qərb bölgələrində hazırkı alma məhsulunun normanın cəmi 30-40 faizini təşkil etdiyini qeyd etmişdi.
Məlumata görə, problemin həlli məqsədilə hökumət itirilmiş məhsulu Azərbaycan, Ermənistan, Türkiyə, Serbiya, Çin, Belarus, Dnestryanı və Şimali Koreyadan gətirilən tədarüklərlə əvəz etmək niyyətindədir.
- Amnistiya tətbiq ediləcək şəxslərin siyahısı... - Nazirlik
- Anar Əsədlinin ev dustaqlığına buraxılması istənildi - Qərar
- Jirinovskinin inanılmaz proqnozları: ABŞ-Rusiya belə razılaşır
- Azərbaycanda xüsusi karantin rejimi ilə bağlı - Qərar
- Putinin mətbuat konfransında xəritə mesajı - Foto
- Əli Əsədovdan bu qəzetlərlə bağlı qərar
- Kəlbəcərdəki bu hadisələr hərbi cinayətdir - Araik
- Bu şəxslər Amnistiya ilə cəzadan azad ediləcək – Qərar