Ermənistan hökuməti Araz çayının yatağından çay qumunun çıxarılmasını qadağan edir.
BUTA.TV Publika.az-a istinadla xəbər verir ki, “Ermənistan Respublikasında Yerin təki Məcəlləsinə dəyişikliklər və əlavələrin edilməsi haqqında” və “İnzibati Xətalar Məcəlləsinə dəyişikliklər edilməsi haqqında” qanun layihələri təsdiq olunub.
Yerin təki Məcəlləsi ilə sərhədyanı çayların məcrasından çay qumunun çıxarılması qadağan edilib və pozuntulara görə, İnzibati Xətalar Məcəlləsi ilə müəyyən edilmiş minumum əmək haqqının iyirmi misli miqdarında cərimə tətbiq olunub.
Ermənistan mediası yazır ki, hökumətin bu qərarının məqsədi Araz çayının təkindən çay qumunun çıxarılmasının qarşısını almaqdır. Erməni KİV-lər bu qərarı Azərbaycanın tələbinin qəbul edilməsi kimi təqdim edib.
Azərbaycan Ermənistanın regionda törətdiyi ekoloji fəlakətlərin qarşısının alınması istiqamətində işləyir. Araz çayının çirkləndirilməsi və çay qumunun çıxarılması da belə ekosid aktlarından biridir. Çay qumunun çıxarılması çayın məcrasının dəyişməsinə səbəb olur ki, bu da bütövlükdə Cənubi Qafqaz su mənbələrinə zərbə vurur.
- Növbəti 10-15 ildə Xəzərin səviyyəsi azalacaq
- Qarabağın Ermənistana birləşdirilməsi… - İşxanyan
- Ermənistandan Araz çayı ilə bağlı şok qərar - Bakı nə tələb edirdi?
- Hər ay 2 milyon talanır: AMB dərhal reaksiya verməli idi
- İsrailin Azərbaycandakı səfirliyində bayraq endirildi
- İsrail səfirindən öldürülən diplomatlarla bağlı maraqlı fakt...
- Azərbaycan XİN İsrailə başsağlığı verdi
- Şəmkirdə 2 milyonluq yeyinti - Direktor həbs edildi