Prezidentin köməkçisi Hikmət Hacıyev “Azərbaycan etnik azərbaycanlıları agent kimi cəlb edib və onları İsrail adından İrana göndərib” tipli iddiaların uydurma olduğunu bəyan edib.

İran-İsrail müharibəsi fonunda Azərbaycan üçün əsas təhlükələrdə biri də bu cür dezinformasiya axınıdır. Belə iddiaların tirajlanmasında müxtəlif maraqlı tərəflər var: İran daxilində Azərbaycana qarşı mənfi münasibəti olan qruplar; Ermənistan mediası, o cümlədən, Qərbdə erməni diasporu/lobbisinin təsir edə bildiyi media orqanları.

Adətən bu cür dezinformasiyaların tirajlanmasında eyni taktikadan istifadə olunur: iddia əvvəlcə region, eləcə də Yaxın Şərq ölkələrində o qədər də populyar olmayan hansısa informasiya resursunda tirajlanır, daha sonra Qərb mediası “istinad” edərək yayımlayır və beləcə kampaniyaya çevirirlər. Bununla bağlı konkret nümunə kimi 2019-cu ildə İranın proksi qüvvələrindən olan Haşdi Şabi qruplaşmasına zərbə endirən İsrail dronlarının Azərbaycan ərazisindən qalxdığına dair kampaniyanı yada salmaq olar. Bu iddia Yaxın Şərqdə o qədər də tanınmayan media resurslarında yayımlanmışdı, daha sonra Ermənistan mediası gündəmə gətirdi və Qərb mediasında “istinad”la tirajlandı.

İran-İsrail qarşıdurmasında Azərbaycana qarşı bu cür feyklərin tirajlanması gözləniləndir. Dezinformasiya axınına qarşı hazırlıq olmalıyıq.

• Bakıda tezliklə dəyişkən iş qrafikinə keçilə bilər
• Bakıda "Qazel"lə motosiklet toqquşdu: ölən var
• Zakir Həsənov Pakistana başsağlığı verdi
• Bu ərazilərdə işıq olmayacaq
• Müəllimə hörmətsizliyə görə cərimə... - Ekspert
• Bir aydan çox daha erkən oyanacağıq... - DÇ başlayır
• Bu qurum niyə 350 min manata siçan-siçovul alır?
• Bu ölkə adını dəyişir