Vaşinqton razılaşmalarından sonra erməni tərəfi Tehranı inandıra bildi ki, İranın bütün qırmızı xətlərinə əməl olunub.
BUTA.TV xəbər verir ki, bu sözləri İranın xarici işlər naziri Abbas Arakçı deyib.
Onun sözlərinə görə, Ermənistan baş naziri İran prezidentinə zəng edib, Ermənistan XİN rəhbəri ilə telefon danışıqları olub, xarici işlər nazirinin müavini Vahan Kostyanyan şəxsən Tehrana gedib:
“Əvvəlcə Sünikin ələ keçirilməsindən danışıldı, sonra Azərbaycanın suverenliyi altında dəhliz variantı müzakirə edildi. İndi də bütün bu ideyalar Ermənistanda qeydiyyatdan keçmiş və Ermənistanın qanunları və yurisdiksiyası altında ABŞ şirkəti tərəfindən çəkilən yola çevrilib. Bu yol Ermənistanın suverenliyi altındadır. Bizim yaxınımızda heç bir ABŞ qoşunu yerləşdirilməyəcək və İranın bütün qırmızı xətlərinə hörmətlə yanaşılır”.
Arakçı bildirib ki, bu, yalnız özəl Amerika mühəndislik şirkətidir, təhlükəsizlik və ya hərbi təşkilat deyil:
“Əminəm ki, “Tramp marşrutu”nda ABŞ qüvvələri olmayacaq və təhlükəsizliyi Ermənistan özü təmin edəcək”.
- Əmək müqaviləsi işçiyə hansı hüquqlar verir?
- “Azərişıq” Beyləqanda sahibkarlarla görüş təşkil etdi
- Ramiz Mehdiyevin ev həbsi haqda - Yeni qərar
- Bakıda əməliyyat: 4 nəfər saxlanıldı - Video
- Bu, uşağın günahı deyil, cəmiyyətin qoyduğu yükdür...
- Söyüdlü yatağı layihəsinin icra vəziyyəti nəzərdən keçirildi
- Son anda ölümdən xilas olmağı bacardı - Anbaan video
- 73 yaşadək təqaüdçülər kredit əldə edə biləcəklər