Hazırda 10 Saylı Cəzaçəkmə Müəssisəsində saxlanılan sabiq deputat Hüseyn Abdullayevin vəkili Günay İsmayılova onunla görüşüb.

BUTA.TV xəbər verir ki, vəkilin Gununsesi.info-ya verdiyi məlumata görə, görüş cəmi 5 dəqiqə çəkib:

“Hüseyn Abdullayev səhhətində olan problemlərlə əlaqədar o görüşdə cəmi 5 dəqiqə qala bildi. Səhhəti getdikcə pisləşir. Xeyli çəki itirib və gözünün altında səhhətində olan problemləri göstərən qaralmalar var idi. Səhhəti o qədər dözülməz idi ki, ölümün bir addımlığında olduğunu dedi. Mən ona təsəlli versəm də, o real durumunu anlatdığını dedi”.

Vəkil onu da əlavə edib ki, bir müddət əvvəl sabiq deputatın anası Zeynəb Abdullayeva Prezident İlham Əliyevə və Vitse-Prezident Mehriban Əliyevaya müraciət edərək oğlunun səhhətində yaranmış problemlə əlaqədar azadlığa buraxılmasını xahiş edib:

“Mən inanmaq istərdim ki, Hüseyn Abdullayevin anasının çağırışına müsbət cavab verilləcək və o, tezliklə azadlığa çıxacaq”.

• Bu ərazilərdə su olmayacaq
• Son zəng günü şagirdlərə maşın icarəyə verənlər... - Video
• FHN komandası beynəlxalq turnirdə yüksək nəticə göstərdi
• İlkin nəticələr açıqlandı - Paşinyanın partiyası öndədir
• Azərbaycanlı şagird “WhatsApp”a bənzər tətbiq yaratdı - Video
• Ermənistanda parlament seçkisində səsvermə prosesi başa çatdı
• Hamı Trampı sevir... - Video
• 1 aydır itkin düşən qadın İmişlidə tapıldı - Yenilənib