ABŞ-ın keçmiş dövlət katibi Kondoliza Rays və Pentaqonun keçmiş rəhbəri Robert Qeyts bildiriblər ki, Rusiya hərbi əməliyyat zamanı işğal etdiyi əraziləri Ukraynaya verməyəcək və gələcəkdə Qərbə hücum üçün bu ərazilərdən tramplin kimi istifadə edəcək.
BUTA.TV xəbər verir ki, bu barədə “Vaşinqton Post” qəzetində dərc olunan məqalədə qeyd edilib.
“Rusiya Prezidenti Vladimir Putin üçün məğlubiyyət variantı yoxdur. O, Rusiyanın tərkibinə qatdığı dörd şərq bölgəsini Ukraynaya verə bilməz. Əgər bu il hərbi uğur qazana bilməsə, o, Ukraynanın şərqi və cənubundakı mövqelərə nəzarəti saxlayacaq, gələcəkdə yenidən hücum üçün tramplin kimi bu ərazilərdən istifadə edəcək. Rusiya Ukraynanın Qara dəniz sahillərinin qalan hissəsi, bütün Donbas üzərində nəzarəti bərqərar etməlidir. Daha sonra isə qərbə doğru hərəkət edəcək”, - məqalədə vurğulanıb.
Xatırladılıb ki, ABŞ-ın müdafiə və diplomatik idarələrinin keçmiş rəhbərləri də bu gün Ukraynanın bütün iqtisadiyyatı və hərbi potensialının Qərbin köməyindən asılı olduğunu deyirlər:
"Rays və Qeytsin fikrincə, Ukrayna qoşunları cəbhədə irəliləyişə nail ola bilməsə, Qərbin Kiyevə təzyiqi aylarla davam edən hərbi durğunluq fonunda artacaq".
Məqalədə iddia edilib ki, Putin səbirli davranacaq - necə ki, Krımın ilhaqından sonra 8 il gözlədi.
- Trampdan Azərbaycan açıqlaması: Bunu həll etdim!
- Fransanın Bakıya göndərdiyi səfir barədə - Yeni detallar
- Nazirlik araşdırmaya başladı: şok faktlar - VİDEO
- Müharibədən sonra ölkəmizə gələn ukraynalıların sayı...
- Müğənni Rəqsanənin həbsinə dair iddialar: Aysun son nöqtəni qoydu
- “Rusiya Azərbaycana qarşı ikinci cəbhə açmağa cəsarət etməz” - Tofiq Zülfüqarov
- 15 yaşlı oğlanın qətli: 10 manata görə...
- Sabah 18 kənddə qaz olmayacaq