Naxçıvan Muxtar Respublikasının Ali Məclisi bu gün səhər saatlarında Azərbaycanın İrandakı səfirliyində törədilən terror aktını şiddətlə pisləyib.
BUTA.TV xəbər verir ki, Ali Məclis diplomatik nümayəndəliyin mühafizə xidmətinin rəisinin həlak olmasına görə başsağlığı verib:
"Ölkəmizin İrandakı səfirliyinə qarşı törədilmiş terror aktını şiddətlə pisləyir, səfirliyin həlak olan mühafizə xidmətinin rəisi baş leytenant Əsgərov Orxan Rizvan oğlunun ailəsinə və yaxınlarına dərin hüznlə başsağlığı verir, yaralılara şəfa diləyirik", - Ali Məclisin açıqlamasında vurğulanıb.
Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycanın İrandakı səfirliyinə terror hücumu olub. Terroru törədən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Yaralıların vəziyyəti qənaətbəxşdir.
Terroru törətmiş şəxs Azərbaycan səfirliyinin əməkdaşı tərəfindən saxlanılıb.
- İlham Əliyevdən Heydər Əliyevlə bağlı paylaşım - Foto
- Heydər Əliyevin anadan olmasının 102-ci ildönümüdür
- Hind şirkətləri Azərbaycana tur paketlərin satışını dayandırır
- Moskvada paradda bu ölkələrin hərbçiləri iştirak etdi - Siyahı
- İlk dəfə: Heydər Əliyev haqda məşhur film farsca – Video
- Rus və alman siyasətçiləri Bakıda gizli görüş keçirdi
- Putin azərbaycanlı polkovniklə salamlaşdı - Video
- Hindistan-Pakistan savaşı olacaq, qalib isə… - Ekstrasens