"Bir gün keçib, həlak olanların sayı isə durmadan artır. Hadisə yerindən olan videoları izləmək çox çətindir".
Bu sözləri Xalq artisti Aygün Kazımova sosial şəbəkə hesabında yazıb. Türkiyədə baş verən zəlzələdən video yayımlayan müğənni kədərini bu sözlərlə ifadə edib:
"Bu necə dəhşətli mənzərədir... Dağıntılar altından qurtardığı övladı atanın qollarında can verir... Bunları izləməyə ürək dözmür. İlahi, sən özün körpələrə, insanlara kömək ol. Allahdan dünyasını dəyişənlərə rəhmət, sağ qalanlara isə səbr, güc diləyirəm. Başın sağ olsun, Türkiyə".
Kazımova videoya Eldar Mansurovun "Keçmiş olsun" mahnısını yerləşdirib.
Qeyd edək ki, sözügedən bəstə 1999-cu ilin avqustunda Türkiyədə baş vermiş zəlzələdə dünyasını dəyişənlərə həsr olunub. Mahnını Xalq artistləri Flora Kərimova, Aygün Kazımova, İlqar Muradov, Səməd Səmədov, Elxan Əhədzadə, Əməkdar artistlər Ruhəngiz Allahverdiyeva, Almaz Ələsgərova, müğənni Mətanət Əbdülova ifa edib./
- Azərbaycanda cərraha yüksək vəzifə verildi
- Bu şagirdlərdən nələr oğurlamısınızsa, geri qaytarın!
- Yaşar Gülər Bakıda Zəfər parkını ziyarət etdi
- Samir Əliyevin qəfil vəfatı ilə bağlı yeni detallar - Bir gün əvvəl...
- Sumqayıtda “Bayraqdar” PUA-ları istehsal ediləcək
- Bu təşkilatın Bakıdakı nümayəndəliyi bağlanır
- Gəncədə 18 yaşlı gənci döyüb öldürdülər
- Bakıda taksi sürücüsü 5 manatlıq yolu 435 manata apardı...