Lənkəran Dövlət Universitetinin bufeti bağlanıb.

BUTA.TV xəbər verir ki, bu barədə Azərbaycan Universitetləri səhifəsi məlumat yayıb.

Məlumata görə, universitet bir neçə gün öncə Qida Təhlükəsizliyi Agentliyinin bufetdə aşkarladığı nöqsanlara görə bağlanacağını elan edib. Daha sonra universitet rəhbərliyi bunun yalan olduğunu, xəbərin kibercinayətkarlar tərəfindən paylaşıldığını bildirib.

Hadisənin səhəri günü isə bufetlər həqiqətən bağlanıb.

Tələbələr bildiriblər ki, bufetlərin bağlanmasına görə ətrafdakı kafelərin ümidinə qalıblar, bu isə onlara baha başa gəlir.

Qeyd edək ki, bi müddət öncə LDU-nin sosial şəbəkə hesabında AQTA-nın Lənkəran Regional Bölməsinin ünvanına kəskin yazı yerləşdirilmişdi. Daha sonra universitet rəhbərliyi AQTA-dan “LDU-ya ünvanlanmış rəsmi məktubun qeyri-rəsmi şəxslərin əlinə düşməsinə və həmin sənədin universitetin rəsmi Feysbuk səhifəsində verilməsnə görə” prorektor Azər Əliyevə töhmət vermiş, veb səhifələrin administratoru Ənvər Şahqubadbəylini isə vəzifədən azad etmişdi.

Görünür, qalmaqal bununla yekunlaşmayıb.

• Məhərrəm ayı və Aşura Gününün tarixi açıqlandı
• Azərbaycanda bu şəxslər işdən çıxarıla bilməz
• Sabah yağış yağacaq
• Azərbaycan və İran Araz çayı ilə bağlı razılaşdı
• Pensiya alanların nəzərinə!
• Ələtdəki hava limanı nə vaxt istifadəyə veriləcək?
• SOCAR yalnız neft-qaz satmır, həm də... - Nazir müavini
• "İdrak"da olay: silahın sahibi də cinayət təqibinə cəlb olundu