Azərbaycanın xarici işlər nazirinin müavini Fariz Rzayev İsraildə keçirilən “Qeyri-müəyyənlik dövründə baxış və strategiya” mövzusunda konfransda çıxış edib.

BUTA.TV xəbər verir ki, Herzliya şəhərində keçirilən konfransda çıxışı zamanı nazir müavini strateji xarakter daşıyan Azərbaycan-İsrail əlaqələrindən bəhs edib.

Sabah F.Rzayev həmçinin Təl-Əviv Universitetində İsrail-Azərbaycan münasibətlərinə həsr olunmuş tədbirdə çıxış edəcək.

Məlumata görə, tədbirdə İkinci Qarabağ müharibəsinin nəticələri, eləcə də Azərbaycan ilə İsrail arasında əməkdaşlığın və strateji tərəfdaşlığın genişləndirilməsi perspektivləri müzakirə olunacaq.

Tədbirdə həmçinin Azərbaycanın İsraildəki səfiri Muxtar Məmmədov, Təl-Əviv Universitetinin professoru Eytan Yanarocaq və Təl-Əviv Universitetinin Moşe Dayan adına Yaxın Şərq və Afrika Araşdırmaları Mərkəzinin direktoru doktor Brendon Fridman da iştirak edəcək.

• Azərbaycandan alırıq, qalır satmaq...
• ABŞ ilk dəfə açıqladı: Bakı və İrəvan arasında dəhşətli müharibə...
• Yeni sülh planı: Kiyev nə qazanır və nələr itirir?
• Mehriban Əliyeva qəzanın ildönümü ilə bağlı paylaşım etdi
• Bakı Moskvanın kompensasiya ödəyəcəyinə ümid edir - Səfir
• Ermənistan XİN-dən “Tramp Marşrutu” ilə bağlı açıqlama
• İlham Əliyevin İrana səfəri planlaşdırılır
• Prezidentdən qəzaya uğrayan AZAL təyyarəsi ilə bağlı paylaşım