Rusiya Bakı ilə İrəvan arasında danışıqların bərpasına yardım etməyə hazırdır, bunu Azərbaycan Prezidenti İlham Əliyev və Ermənistanın Baş naziri Nikol Paşinyan bilir.
BUTA.TV xəbər verir ki, bu sözləri Rusiya Prezidenti Vladimir Putin Qırğızıstana səfərinin yekunlarına həsr olunmuş mətbuat konfransında deyib.
“Mən bu gün bu barədə danışdım. Dedim ki, biz sülh sazişinin bağlanması ümidi ilə dinc danışıqların bərpasına hazırıq və kömək edəcəyik. Və təklif etdilər ki, bütün həmkarlar Moskvada toplaşsınlar. Baş nazir Paşinyanın bundan xəbəri var, mən ona dedim. Azərbaycan prezidenti də məlumatlıdır”, - o bildirib.
Putin vurğulayıb ki, indi, onun fikrincə, sülhlə bağlı heç bir problem olmamalıdır:
“Mənə elə gəlir ki, bu, tamamilə mümkündür, indi, Qarabağ hadisələrindən sonra sülh müqaviləsinin bağlanmasına mane ola biləcək hər hansı problem görmürəm.
Sərhədlə bağlı, məncə, sırf texniki xarakterli məsələlər var: demarkasiya, delimitasiya. Bunlar texniki məsələlərdir. Orada bir istiqamətə yüz metr, o biri tərəfə bir kilometr – bu, artıq vacib deyil. Hər iki tərəfin xoş niyyəti ilə bütün bunları etmək olar və bir vaxtlar razılaşdığımız kimi, ticarət-iqtisadi əlaqələri, infrastruktur layihələrini inkişaf etdirmək üçün növbəti addımlar atıla bilər”.
- Əhali bu banklardan niyə narazıdır? – Səbəblər bəlli oldu
- Türkiyə məhkəməsi Gültəkin Hacıbəyli ilə bağlı qərar verdi
- İcra başçıları KÜTLƏVİ ixtisarlara başladı – Vəzifələr ləğv edilir
- Van Dammın azərbaycanlı gəlinindən xəbərdarlıq
- Trampın ən yaxını Türkiyəni hədələdi: İrandan sonra?..
- İrandakı hadisələr iqtisadiyyatımıza necə təsir edəcək?
- Azərbaycan və Ermənistan nümayəndələri bu əraziyə baxdı
- “Tramp yolu” Putinlə müzakirə olunub - Paşinyan