Bakının Nəsimi rayonunun yeni icra başçısının kim olacağı dəqiqləşib.
BUTA.TV-ın əldə etdiyi məlumata görə, bu posta Naftalan şəhər icra hakimiyyətinin başçısı Vüqar Novruzov gətirilir. Onunla bağlı müvafiq sərəncamın sentyabrın 1-də keçiriləcək növbədənkənar parlament seçkilərindən dərhal sonra elan olunacağı bildirilir.
Qeyd edək ki, Vüqar Novruzov 04 dekabr 2019-cu ildə Naftalan şəhər icra hakimiyyətinin başçısı təyin olunub. Novruzovun Naftalanda apardığı quruculuq-abadlıq işləri, xüsusilə sosial problemlərin həlli istiqamətində həyata keçirdiyi layihələr ölkə rəhbərliyi tərəfindən müsbət qarşılandığı üçün ona daha böyük etimad göstərilməsinə qərar verilib.
Xatırladaq ki, Nəsimi rayon icra hakimiyyətinin başçısı Asif Əsgərov parlament seçkilərinə qatılıb. Onun namizədliyi hakim Yeni Azərbaycan Partiyası tərəfindən irəli sürülüb. Əsgərov namizəd olduğu 112 saylı Zaqatala seçki dairəsində favoriti sayılır.
Qüvvədə olan qanunvericiliyə görə, Milli Məclisin üzvü icra orqanlarında vəzifə tuta bilməz.
- Prezidentin ayaq saxladığı pilləkənlərdə nə yazılıb? - Video
- ABŞ Qəzzada bunu bizə təklif etdi - Hacıyev
- Mişa doğru deyir: Hamının arzuladığı hər şeyə nail olan!
- Sülh planı Kremlə çatdırıldı: Nələr var və Putin razılaşacaq?
- Naxçıvandan Ermənistana atəş açılıb? - Rəsmi
- Azərbaycan diaspor rəhbəri barəsində çıxarılan hökm ləğv edildi
- Leyla Əliyeva Mərkəzi Nəbatat bağında - Foto
- Karapetyan İsmayılovun restoranında 2 milyon xərclədi