Rusiya Ukrayna müharibəsində istifadə üçün uzunməsafəli hücum dronları təkmilləşdirmək və istehsal etmək məqsədilə Çində gizli silah proqramı yaradıb.
BUTA.TV xəbər verir ki, bu barədə “Röyters” məlumat yayıb.
Məlumata görə, dronların təkmilləşdirməsi ilə Rusiyanın “Almaz-Antey” şirkətinin törəməsi olan “İEMZ Kupol” məşğul olur.
“İEMZ Kupol” dronları təkmilləşdirmək və sınaqdan keçirmək üçün Çin mütəxəssisləri ilə çalışır.
Bildirilib ki, Çində hazırlanmış yeni bir dron modeli olan “Garpiya-3” (G3) uçuş sınağından keçirilib. 50 kq yükdaşıma qabiliyyətinə malik olan G3 təxminən 2000 km məsafə qət edə bilir.
Çində 400 kq yük daşıya bilən REM 1 hücum PUA-sının da hazırlanması ilə bağlı işlərin aparıldığı bildirilib.
“İEMZ Kupol” dronların Çindəki bir fabrikdə kütləvi istehsalına başlayacağını deyib.
Təkmilləşdirmə və sınaq prosesində Çinin “Redlepus TSK Vector İndustrial” şirkətinin də iştirak etməsi gözlənilir.
Çinin Sintzyan-Uyğur Muxtar Rayonunda Rusiya-Çin dron araşdırma və istehsal mərkəzinin yaradılması planlaşdırılır. Müəssisədə ildə 800 dron istehsal olunacağı bildirilir.
- Paşazadə 10 yepiskopla görüşsə... - Badalyan
- Türkiyə də Ukrayna müharibəsinə sürüklənir: Tərəf seçə bilər
- İlham Əliyev Piterə gələ bilər - Peskov
- Vardanyanın saxlanma şəraiti ilk dəfə göstərildi - Video
- Hökumə Əliyevanın ailə üzvləri Aktauya getdi - Video
- Rusiyanın Türkiyəyə qarşı təxribatı - Nə baş verir?
- Bu şəxslərə bayramla əlaqədar 500 manat mükafat verildi
- Ermənistana investisiyalar Türkiyə üçün risklər yaradır