Rusiya əcnəbilərə rus dili biliyinə dair tələbləri sərtləşdirir. Belə ki, rus dilini bilməyən əcnəbilərə miqrasiya statusu və ya vətəndaşlıq verilməyəcək.

BUTA.TV-ın Oxu.Az-a istinadən verdiyi məlumata görə, bu barədə Rusiya DİN-in nümayəndəsi İrina Volk özünün Teleqram kanalında məlumat verib.

Onun sözlərinə görə, Rusiya Daxili İşlər Nazirliyi miqrasiya statusu və ya Rusiya vətəndaşlığı almaq istəyən əcnəbi vətəndaşlar arasında rus dilinin bilinməsinə nəzarəti gücləndirir. Daxili işlər orqanları müntəzəm olaraq rus dilini bildiklərinə dair sənədləri olan, lakin əslində onu bilməyən xariciləri aşkar edirlər. Bundan sonra dil sertifikatları verən imtahan təşkilatçılarından ibarət cinayətkar qrupların fəaliyyətinin araşdırılmasına başlanılır.

O, həmçinin bildirib ki, Rusiya DİN xaricilər üçün saxta rus dili imtahanları keçirən mütəşəkkil qruplar və ayrı-ayrı şəxslərlə fəal mübarizə aparır. Aşkar edilmiş pozuntular barədə məlumatlar müvafiq tədbirlərin görülməsi üçün "Rospotrebnadzor"a (Rusiyanın İstehlakçıların Hüquqlarının Müdafiəsi və İnsan Rifahına Nəzarət üzrə Federal Xidməti) göndərilir.

• Bakı və İrəvan arasındakı sülh bu ölkələr üçün... - Senator
• Rusiya Azərbaycanla bağlı iddianı rədd etdi
• Qətəri vurmaq üçün qalxan İsrail təyyarələri... - Şok fakt
• Rus kəşfiyyatının Bakıda gizli fəaliyyəti... - Şok detallar
• Simonyan çox irəli getdi: Azərbaycanla vahid bazar...
• İğtişaşların səbəbi: Nepal uğrunda Çin-ABŞ savaşı?
• Qriqoryan Azərbaycana gəldi
• İrəvandan Zəngəzur açıqlaması: Dağlar dağıdılır, yol çəkilir