Türkiyə, Rusiya və İranın Suriya münaqişəsiylə əlaqədar 2017-ci ildə təsis etdikləri Astana formatı tarixə qovuşdu. 3 ölkənin xarici işlər nazirinin Astana formatındakı son görüşü dekabrın 7-də Qətərin paytaxtı Dohada keçirildi.
BUTA.TV xəbər verir ki, bu barədə politoloq Elxan Şahinoğlu bildirib.
Onun sözlərinə görə, bu, mənasız toplantı idi, görüş keçirilərkən, Suriyanın silahlı qrupları paytaxt Dəməşqə yaxınlaşmışdılar və Bəşər Əsəd rejiminin yıxılacağı bəlliydi:
“Moskva və Tehranın Əsədi xilas edə bilməyəcəyi müəyyənləşmişdi. Vaxtilə Türkiyənin Suriyadakı haqlı maraqlarını nəzərə almayan Tehran və Moskva bu dəfə az qala Ankaraya yalvarırdılar ki, silahlı qrupların hücumunu dayandırın. Ancaq gec idi. Ankara diplomatik etiket naminə Moskva və Tehranın “Dohada görüşək” təklifinə “yox” demədi.
Astana formatı həm də ona görə tarixə qovuşur ki, 3 dövlətdən ikisi – Rusiya və İran Bəşər Əsədin yanında oldu, Türkiyədən fərqli olaraq, Suriyada islahatların aparılması zərurətinin əleyhinə çıxdı”.
Qeyd edək ki, 8 dekabrda “heyət Təhrir əş-Şam” qruplaşması Dəməşqi ələ keçirib vvə Əsəd rejimini devirib.
- “İran hilalı” məhv edildi: İndi "baş"a son zərbələr endirilir
- Tələyə düşən İranın qisası: Tehran Türkiyəyə də zərbə endirəcək?
- ABŞ bombardmana hazırlaşır: B-2-lər göndərildi
- Bayramov İƏT-in Nazirlər Şurasının fövqəladə iclasında
- Daha bir ölkə İrandan təxliyəyə görə Azərbaycana təşəkkür etdi
- Bayramov suriyalı həmkarı ilə görüşdü: Yardım davam edəcək!
- Laçın səfəri ilə bağlı daha bir paylaşım - Video
- Məhkəmə sabiq icra başçısı ilə bağlı qərar verdi