İsrailin hava hücumlarının başlamasından bir neçə saat sonra İranın ali dini lideri Əli Xamenei təhlükəsizlik səbəbilə Tehranın şimal-şərqində yerləşən Lavizan bölgəsindəki yeraltı sığınacağa köçürülüb.
BUTA TV xəbər verir ki, bu barədə məlumatı "Iran International" yayıb. Məlumata görə, hücumlar zamanı ölkənin hərbi və siyasi rəhbərliyinə qarşı əlavə təhlükəsizlik tədbirləri görülüb. Lavizan bölgəsində yerləşən obyekt İranın yüksək rütbəli rəhbərləri üçün fövqəladə vəziyyətlərdə nəzərdə tutulmuş xüsusi sığınacaq kompleksi kimi tanınır.
Rəsmi Tehrandan bu məlumatla bağlı hələlik heç bir açıqlama verilməyib. Hadisə ilə bağlı İran ictimaiyyətində və beynəlxalq mediada ciddi narahatlıq müşahidə olunur.
Xatırladaq ki, İsrail ordusu son günlərdə İran ərazisindəki strateji hədəflərə – xüsusən də raket bazalarına və hərbi obyektlərə – hava hücumları təşkil edir. Gərginliyin daha da artacağı istisna olunmur.
- Qonşudan PUA buraxıldı, xəbər etdik, qoşun yeridildi - Qudərzi
- Gürcüstanda iğtişaşlar: nə baş verir və nələr ola bilər?
- Bərdənin raket atəşinə tutulmasından 5 il ötür
- Daur İsmayılov Marneulinin meri seçildi
- Naxçıvan yolu İran üçün fürsət ola bilər - Zərif
- Cabirin dəfnində bu foto rezonans yaratdı
- Rusiya dronu azərbaycanlının maşınına düşdü, öldü - Dəhşətli foto
- İrana hücum hazırlığı başladı: Qafqaza təsirləri...