Paşinyan hiss edib ki, onun müxtəlif avantürist təkliflərini dəstəkləməyə hazır olan beynəlxalq qüvvələr peyda olub.
BUTA.TV xəbər verir ki, bunu rusiyalı politoloq Dmitri Solonnikov bölüşüb.
“Beynəlxalq qüvvələr öz oyunlarını oynayırlar. Onları Ermənistan maraqlandırmır, ancaq Rusiya ilə qlobal qarşıdurmada və Cənubi Qafqazda beynəlxalq münaqişənin yeni nöqtəsində maraqlıdırlar. Əgər burada Ukrayna ilə paralel olaraq yeni müharibə başlasa, AB və ABŞ çox razı qalacaq. Bu motivlərdən Ermənistanı Azərbaycana qarşı aqressiv hərəkətlərə, bəyanatlara sövq edəcəklər. Paşinyan buna inanır və düşünür ki, Qərb indi onu fəal şəkildə dəstəkləyəcək”, - politoloq bildirib.
Solonnikov qeyd edib ki, Paşinyan daim Qərbi regiona çəkməyə çalışır:
“Bu, onun vəzifəsidir, Vaşinqton və Brüsseldən olan müvafiq kuratorlar tərəfindən qoyulmuş vəzifədir. Vəzifə ABŞ, Fransa, bütövlükdə AB-ni mümkün qədər bölgəyə sürükləməkdir. Qərbin missiyası Qarabağda yerləşdirilsə, bu, onun və Qərb qüvvələrinin qələbəsi olacaq.
Amma Azərbaycan diplomatiya yolu ilə hərəkət edəcək. Qarabağın qalan hissəsinin qaytarılması tədricən, səbirlə həyata keçiriləcək. Laçın yolu ilə Qarabağda yerləşən erməni silahlılarının təchizatı artıq kəsilir. Digər tədarük marşrutları da tədricən bağlanacaq. Bakı Qarabağın erməni icması ilə başladığı dialoqu davam etdirəcək. Rusiya sülhməramlılarının Qarabağda yerləşdirilməsinin başa çatmasına 2,5 il qalıb. Bundan sonra missiya Qarabağı təhlükəsiz tərk edə bilər. Və heç nə Azərbaycanın öz ərazilərini birdəfəlik geri qaytarmasına mane olmayacaq”.
- Azərbaycanda bu mobil operator fəaliyyətini dayandırdı
- Azərbaycana qarşı bu qətnamənin heç bir əsası yoxdur
- Paşinyandan paylaşım: Azərbaycan qatarı Ermənistanda - Video
- Amnistiya tətbiq ediləcək şəxslərin siyahısı... - Nazirlik
- Anar Əsədlinin ev dustaqlığına buraxılması istənildi - Qərar
- Jirinovskinin inanılmaz proqnozları: ABŞ-Rusiya belə razılaşır
- Azərbaycanda xüsusi karantin rejimi ilə bağlı - Qərar
- Putinin mətbuat konfransında xəritə mesajı - Foto