Slovakiya, Sloveniya və Çexiya liderləri Zuzana Çaputova, Nataşa Pirc-Musar və Petr Pavel vergi ödəyicilərinin pullarına qənaət etmək və mühərriklərdən zərərli emissiyaları azaltmaq məqsədilə çərşənbə axşamı Reykyavikdəki Avropa Şurasının sammitinə eyni təyyarə ilə gediblər.

BUTA.TV Oxu.az-a istinadən xəbər verir ki, üç respublikanın rəhbəri Slovakiya prezidentinin təyyarəsi ilə Reykyavikə uçublar. Çaputova və Pirc-Musar Bratislavadan yola düşüblər. Onlar yolüstü Pavelin səfər etdiyi Kopenhagenə enərək onu da özlərilə aparıblar.

Xarici səfərlər zamanı üst-üstə düşən istiqamətlər üzrə bir təyyarədən istifadə ideyası Çaputova və Pavelə məxsusdur. Onlar bu barədə ilin əvvəlində razılığa gəliblər.

Bildirilir ki, Reykyavikdən qayıdarkən Avstriya prezidenti Aleksander Van der Bellen və Moldova dövlət başçısı Maya Sandu da Slovakiya, Sloveniya və Çexiya liderlərinə qoşulacaqlar.

• Nöqsana görə qovulan direktor şikayət etdi, rədd cavabı aldı
• Suala elə cavab verdi ki, əvvəl güldürdü, sonra kədərləndirdi
• Bakıda daha bir marşrutda bütün avtobuslar yenilənir
• Azərbaycanda vəzifəli şəxs cərimələndi
• “Qarabağ”ın Avropa Liqasındakı rəqibi ikinci liqa klubudur - Yenilənib
• Bu reys dostluq və əməkdaşlığın növbəti rəmzi olacaq - Manizadə
• Xüsusi təyinatlılar bir araya gəldi - Qafqazda mühüm gün+Fotolar
• Məşhur bloger Anar Ələkbərova görün nə hədiyyə etdi - Video