Beynəlxalq Boks Assosiasiyası (IBA) yeddi milli federasiyanın təşkilata üzvlüyünü dayandırıb. Müvafiq qərar Yeni Zelandiya, Almaniya, İsveç, Niderland, Çexiya, Liberiya və Ekvatorial Qvineya federasiyaları ilə bağlı qəbul edilib.
BUTA.TV xəbər verir ki, bu barədə IBA-nın mətbuat xidməti məlumat yayıb.
Yeni Zelandiya Boks Assosiasiyası, Almaniya Boks Assosiasiyası, İsveç Boks Federasiyası və Niderland Boks Federasiyası IBA-in qaydalarını və əsasnaməsini pozduqları üçün onların üzv kimi fəaliyyəti dayandırılıb. Çexiya Boks Assosiasiyasının üzvlüyü onun ABŞ boksçularının iştirakına icazə verdiyi beynəlxalq turniri təşkil etməsindən sonra dayandırılıb. Aprelin 26-da ABŞ Boks Federasiyası Beynəlxalq Boks Assosiasiyasına üzvlüyünü dayandırdığını bildirib.
IBA-in Direktorlar Şurası üzvlük siyasətinə uyğun olaraq illik hesabatlarını təqdim etməyən Liberiya Boks Assosiasiyası və Ekvatorial Qvineya Boks Federasiyasının üzvlüyünü dayandırıb. Bütün milli federasiyalara onların üzvlüyünün tam bərpa olunması üçün aydın şərtlər təqdim edilib. Qeyd olunur ki, fəaliyyəti dayandırılmış milli federasiyaların idmançıları IBA-in himayəsi ilə keçirilən yarışlarda iştirak edə bilərlər, lakin onlar birbaşa IBA-in İdman şöbəsi vasitəsilə qeydiyyatdan keçməlidirlər.
- Paşinyan Əliyevə niyə daim təşəkkür etdiyini açıqladı
- Etiraf etməliyik ki, bu prosesə gecikmişik - Aynur Camalqızı
- AZAL təyyarəsinin qəzası: Rusiya bu ölkəni “hədəf” edir...
- Azərbaycandan alırıq, qalır satmaq...
- ABŞ ilk dəfə açıqladı: Bakı və İrəvan arasında dəhşətli müharibə...
- Yeni sülh planı: Kiyev nə qazanır və nələr itirir?
- Mehriban Əliyeva qəzanın ildönümü ilə bağlı paylaşım etdi
- Bakı Moskvanın kompensasiya ödəyəcəyinə ümid edir - Səfir