İkinci Qarabağ müharibəsi sentyabrda başladı, iki il sonra yenə sentyabrda toqquşma baş verdi: hər iki tərəfdən itkilər oldu, yenə eyni ay və yenə sərhəddə atışma qeydə alınıb, düşmən itki verib. Bu o deməkdirmi ki, bəzilərinin proqnozlaşdırdığı kimi, bu ay böyük toqquşmanın şahidi ola bilərik?
BUTA.TV xəbər verir ki, bu sözləri politoloq Elxan Şahinoğlu sərhəd toqquşmaları barədə bildirib.
“Ermənistanın Baş naziri Nikol Paşinyan məntiqlə sərhəddə gərginlik yaratmaqda maraqlı olmamalıdır, çünki növbəti toqquşma yenə onun xeyrinə olmayacaq və yeni itkilər onun hökumətini daha çox laxladacaq. Ancaq Nikol Paşinyanın məntiqi olsaydı, Azərbaycanla sülh sazişinin imzalanmasını ləngitməzdi. Paşinyan və onun nazirləri, əksinə, Qarabağ mövzusunu ön plana çıxarmaqla iki ölkə arasındakı gərginliyin artmasına şərait yaradıblar”, - politoloq qeyd edib.
Şahinoğlu bildirib ki, sərhəddəki son təxribatın başqa məqsədi də var:
“Azərbaycan Qarabağda qayda-qanun yaratmaq istəyində israrlıdır. İrəvan Azərbaycan Prezidentinin köməkçisi Hikmət Hacıyevın Xankəndi yolunda diplomatlar qarşısında səsləndirdiyi “Qarabağda xaosa imkan verməyəcəyik” və “erməni separatçıları tərksilah olunmalıdır” açıqlamasını anti-terror əməliyyatının anonsu kimi oxuyublar. Doğru anlayıblar. Ermənistan Azərbaycanın Qarabağda qayda-qanun yaratmaq və təşəbbüsə yiyələnmək siyasətini önləmək üçün sərhəddə bizə problem yaratmağa başlayıb. Məqsədləri diqqəti Qarabağdakı xaosdan sərhəddə yönəltməkdir ki, Azərbaycan bölgədə əməliyyat planını təxirə salsın. Tutaq ki, Qarabağda əməliyyat ləngidi, bu, nəyi dəyişəcək ki? İrəvanın və Qarabağdakı separatçıların “vaxt udmaq” taktikası nəticə verməyəcək. Hadisələr Azərbaycanın Qarabağın tamamını nəzarətə götürməsi üzrə inkişaf edir. Bunu sərhəddə yaradılan gərginlik də durdura bilməyəcək”.
- Nəsimi rayonunun başına keçən Gülarənin utandırıcı videosu yayıldı – VİDEO
- 8 illik güzəşt ləğv olundu: Kərə yağı bahalaşacaq? - Video
- 35 yaşından əvvəl siqareti tərgidəndə nə baş verir?
- Şahin Bağırov müharibə iştirakçısına yüksək vəzifə verdi
- Razi Nurullayevdən dəbdəbəli toyla bağlı yeni açıqlama: “Gözlərindən tökdünüz”
- Rza Pəhləvi Trampa çağırış etdi: İrana müdaxilə et!
- Prezidentin çıxışından sonra telekanallar hərəkətə keçdi
- AMEA-da yeni təyinatlar oldu