Şimali Kipr Türk Respublikasının (ŞKTR) Prezidenti Ərsin Tatar Azərbaycan Respublikasının Konstitusiya quruluşunun bərpası və sırf hərbi ünsürlərin hədəf alınması məqsədi ilə Azərbaycan Ordusunun Qarabağda keçirdiyi antiterror tədbirlərini dəstəkləyib.
BUTA.TV xəbər verir ki, bu barədə Şimali Kiprin Prezident Administrasiyası məlumat yayıb.
Ə.Tatar İrəvanı 2020-ci il noyabrın 10-da Azərbaycan, Rusiya və Ermənistan liderləri arasında imzalanan Üçtərəfli bəyanatın müddəalarına əməl etməyə çağırıb:
“2020-ci il noyabrın 10-da imzalanmış Üçtərəfli bəyanatın müddəalarına zidd olaraq Ermənistan silahlı birləşmələrinin Azərbaycanın Qarabağ bölgəsində mövcudluğunu davam etdirməsi regional sülh və sabitliyə ciddi təhlükə yaradır.
Dost və qardaş ölkə Azərbaycanın Üçtərəfli bəyanatın müddəalarının təmin edilməsi, Qarabağ iqtisadi rayonunda genişmiqyaslı təxribatların qarşısının alınması, Ermənistan silahlı birləşmələrini tərksilah edilməsi və ölkə ərazisindən çıxarılması, ermənilərin hərbi infrastrukturunun zərərsizləşdirilməsi, Azərbaycanın işğaldan azad olunan ərazilərinə geri qayıdan mülki əhalinin təhlükəsizliyinin təmin olunması, Qarabağda Azərbaycan Konstitusiya quruluşunun bərpa edilməsi məqsədi ilə başlatdığı antiterror tədbirlərini dəstəkləyirik. Türkiyə Prezidenti Rəcəb Tayyib Ərdoğanın BMT Baş Assambleyasında dediyi kimi, Qarabağ Azərbaycandır. Qarabağ Azərbaycanın ayrılmaz hissəsidir!”
Ə.Tatar Şimali Kipr türk xalqının hər zaman Azərbaycan xalqının yanında olduğunu vurğulayıb:
“Azərbaycan Prezidenti İlham Əliyevin timsalında Azərbaycandakı bütün qardaşlarımızın haqlı mübarizəsini dəstəkləyir və regionda sülh, təhlükəsizlik, firavanlıq və daimi sabitliyin bərqərar olması üçün Ermənistanı 2020-ci il 10 noyabr Üçtərəfli bəyanatının müddəalarına əməl etməyə çağırıram”.
- ABŞ İrana zərbə endirəcək? - Türkiyə hərəkətə keçdi
- Rza Pəhləvinin qayıdışı mümkündürmü? - ABŞ onu oynadır
- Ermənistan bizi Qafqazdan çıxarır – Solonnikov
- Təbrik edirəm, mühüm addım atıldı - Paşinyan
- Mirzoyan və Rubiodan “Tramp yolu” ilə bağlı birgə bəyanat
- İran bir neçə milli dövlətə parçalana bilər - Arkov
- Trampdan iranlılara: Yardım yoldadır! - Müharibə başlayır?
- Məhkəmədən Adnan Əhmədzadə ilə bağlı qərar...