Dünyanın ən nüfuzlu fiziklərindən biri, sonradan onun adını daşıyan hissəciyi nəzəri olaraq qabaqcadan xəbər vermiş britaniyalı Piter Hiqqs 94 yaşında vəfat edib.
Kult.az Report-a istinadən xəbər verir ki, bu barədə Böyük Britaniyanın Edinburq Universitetinin mətbuat xidməti məlumat yayıb.
Ali təhsil ocağı onun bir gün əvvəl, bazar ertəsi öldüyü açıqlayıb.
Universitetin məlumatında qeyd edilib ki, parlaq alimin dünyagörüşü və təxəyyülü “ətrafımızdakı dünya haqqında biliklərimizi zənginləşdirib”.
Xatırladaq ki, 2013-cü ildə fizika sahəsində Nobel mükafatına Hiqqs bozonu nəzəriyyəsini irəli sürmüş elmi qrup təmsilçiləri olan britaniyalı Piter Hiqqs və belçikalı Fransua Enqler layiq görülüblər.
Bu alimlər 1960-cı illərdə maddədə kütlənin əmələ gəlmə mexanizmini izah edən nəzəriyyəni işləyib hazırlamışdılar. Həmin nəzəriyyə 2012-ci ildə aşkar olunmuş Hiqqs bozonu hissəciyinin mövcudluğu ehtimalına söykənib. Hiqqs bozonu ötən il İsveçrədə CERN elmi mərkəzində quraşdırılmış Böyük Adron Kollayderində aşkar edilib.
- Xameneiyə xatırlatma: Şah da etirazları qanla yatırmışdı
- Azərbaycan İsraildə bu layihəyə 270 milyon yatıra bilər
- Ququşdan iranlılara Pəhləvi ilə bağlı çağırış
- Azərbaycanlılar aksiyalara buna görə qoşulmur
- Pəhləvini iki şəxs arzulayır: Xamenei və Netanyahu
- Kadırovun böyrəkləri sıradan çıxdı, xəstəxanadadır
- Pezeşkian da bunu istəyir, ancaq əl-qolu bağlıdır...
- Rusiyanın yeni öldürücü raketləri: Sınaqdan keçiriləcək...