Aktauda qəzaya uğrayan təyyarənin ekipajı sərnişinləri son dəqiqəyə qədər sakitləşdirib və onları sərt eniş üçün hazırlayıb.
BUTA.TV xəbər verir ki, bu barədə RT-yə qəzada sağ qalan sərnişin Sübhonkul Rəhimov deyib.
S.Rəhimov xüsusilə baş təyyarə bələdçisinə təşəkkür edib:
“Halaldı ona. Özünü möhkəm saxlamağa çalışırdı. O, bu halda necə davranmaq barədə göstərişlər verirdi. Dedi ki, indi bizə göstərəcək, əlləri düzgün bükməliyik ki, hər şey təlimata uyğun olsun. O öz tapşırıqlarını ürəkdən yerinə yetirirdi”.
Onun sözlərinə görə, partlayışdan sonra təyyarədə panika yaranıb, oksigen maskaları yerə düşüb, lakin ekipaj üzvləri sərnişinləri sakitləşdirib.
Təyyarə qəzaya uğradıqdan sonra S.Rəhimov kəmərindən asılı vəziyyətdə qalıb. Özü özünü xilas edib:
“Artıq oturacağın arxasında qarışıqlıq idi. Orada qadın yıxılıb qalmışdı, o əzilmişdi. Onun şüuru özündə idi. Onu qaldırmağa çalışdım, amma o, heç cür danışa bilmədi, dedi: “Belim ağrıyır”.
Qeyd edək ki, Sübhonkul Rəhimov bəhs etdiyi ekipaj üzvü AZAL-ın baş təyyarə bələdçisi Hökümə Əliyevadır. Onun qəzada həlak olduğu artıq təsdiqlənib.
- “İran hilalı” məhv edildi: İndi "baş"a son zərbələr endirilir
- Tələyə düşən İranın qisası: Tehran Türkiyəyə də zərbə endirəcək?
- ABŞ bombardmana hazırlaşır: B-2-lər göndərildi
- Bayramov İƏT-in Nazirlər Şurasının fövqəladə iclasında
- Daha bir ölkə İrandan təxliyəyə görə Azərbaycana təşəkkür etdi
- Bayramov suriyalı həmkarı ilə görüşdü: Yardım davam edəcək!
- Laçın səfəri ilə bağlı daha bir paylaşım - Video
- Məhkəmə sabiq icra başçısı ilə bağlı qərar verdi