Ötən axşam İran Premyer Liqasının 14-cü həftəsinin oyunları çərçivəsində Təbrizin “Traktor” klubu ilə Mazandaranın “Nəssaci” klubunun qarşılaşması olub.
BUTA.TV xəbər verir ki, bu barədə yerli media məlumat yayıb.
Mazandaran əyalətinin Qaimşəhər şəhərinin stadionunda gərgin keçən qarşılaşma 1-1 hesabı ilə başa çatıb.
Bununla da “Traktor” 29 xalla Premyer Liqanın turnir cədvəlində ikinci pilləyə düşüb, rəqib komanda isə 14 xalla 12-ci pillədə qərarlaşıb.
Oyun başlayandan “Nəssaci” azarkeşləri Azərbaycan komandası və azarkeşlərini təhqir edib, meydançaya və “traktor”çular olan cərgələrə yad cisimlər atıblar.
Hakimlər buna etinasız yanaşmasına etiraz edən “Traktor” klubunun baş məşqçisi Draqan İskoçiç və komandanın hücumçusu Mehdi Haşimnejada qırmızı kart verilərək meydandan kənarlaşdırıblar.
Oyun başa çatdıqdan sonra mazandaranlılar stadiondan çıxan azərbaycanlı azarkeşlərə hücum edib, qarşıdurma nəticəsində hər iki tərəfdən onlarla şəxs yaralanıb.
“Traktor” klubu məsələ ilə bağlı Futbol Federasiyasına şikayət məktubu yazıb, klubun çempion olmasına mane olmaq üçün hakimlərin, futbolçuların və Futbol Federasiyasının birləşdiyini deyib.
Meydandan qovulan hücumçu Mehdi Haşimnejad mediaya verdiyi açıqlamada İran klublarının “Traktor”a qarşı münasibətindən təəccübləndiyini bildirib:
“Görünür, “Traktor” çempion olmaq üçün bütün İranla mübarizə aparmalıdır”.
- Onlar ölkəmizə qarşı qarayaxma kampaniyası aparır - MEDİA
- 33 il sonra Kəlbəcərin ilk məzunu - Foto
- Zeynəb Xanlarova həyat yoldaşından danışdı - Video
- Azərbaycanın 23 vətəndaşı Suriyadan repatriasiya olundu
- ADY regionlara əlavə qatar reysləri təyin etdi
- Naxçıvana uçan təyyarələr havaya görə geri qayıtdı
- Etimad Başkeçidin ailəsinə qarşı kiberhücum
- İllər öncəki göz yaşları yenə gündəmdə - Mərcə girirlər