Azərbaycan Ordusunun əsgəri Adil Baxşəliyeviç Baxşəliyev 2024-cü il dekabrın 29-da Kəlbəcərdəki postda xidmət edərkən dünyasını dəyişib.
Yaxınlarının BUTA.TV-a verdiyi məlumata görə, əsgər güllə yarasından ölüb.
Onlar həmçinin qeyd ediblər ki, hadisə ilə bağlı Hərbi Prokurorluq araşdırma aparır.
Ailənin iddiası ilə bağlı Hərbi Prokurorluğa sorğu verilib.
***
Müdafiə Nazirliyinin N saylı hərbi hissəsinin hərbi qulluqçusu, əsgər Adil Baxşaliyeviç Baxşəliyev odlu silahdan atəş açmaqla özünü öldürüb.
Bu barədə Kəlbəcər hərbi prokurorluğuna məlumat daxil olub.
Daxil olmuş məlumat əsasında Kəlbəcər hərbi prokurorluğunun və Azərbaycan Respublikası Hərbi Prokurorluğunun Kriminalistika və İnformasiya Texnologiyaları idarəsinin əməkdaşları tərəfindən müvafiq baxışlar aparılıb, iş üçün əhəmiyyət kəsb edən predmetlər maddi sübut kimi götürülüb, məhkəmə tibbi ekspertin iştirakı ilə meyitin xarici və daxili müayinəsi keçirilib, eləcə də digər hərəkətlər icra edilib.
Fakt üzrə Kəlbəcər hərbi prokurorluğunda Azərbaycan Respublikası Cinayət Məcəlləsinin müvafiq maddəsi ilə cinayət işi başlanılaraq şahidlər dindirilib, müxtəlif ekspertizalar təyin edilərək, icraya yönəldilib və digər istintaq hərəkətləri həyata keçirilib.
Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi, o cümlədən hər bir fakta və əmələ hüquqi qiymət verilməsi təmin olunacaq.
- Üstünlük İsraili tərk edir, İran özünə gəlir - Tramp niyə gözləyir?
- Diplomatların Laçın səfəri ilə bağlı paylaşım - Video
- Aprel döyüşlərində ermənilərə rəhbərlik etmiş generallar...
- Xəzər dənizində nüvə təhlükəsi var - Zaxarova
- Nə qədər ki, Rusiya və İranın başı qarışıb, Azərbaycan...
- Bakı “Rus evi” ilə bağlı cavab verməyib – Primakov
- Əliyevlə Ərdoğanın İrəvan müzakirəsi: Nikolun etdikləri...
- Azərbaycanla Türkiyənin qardaşlığı sarsılmazdır