ABŞ Azərbaycanla Ermənistan arasında münasibətlərin normallaşması üçün vasitəçilik edir. Bu, Vaşinqtonun 22 ildən sonra ikinci cəhdidir. 2001-ci il 3 aprel tarixində ABŞ-ın Florida ştatının Ki-Uest şəhərində ABŞ-ın o zamankı dövlət katibi Kolin Pauellin vasitəçiliyi ilə Azərbaycan və Ermənistan prezidentləri Heydər Əliyev və Robert Köçəryanın birgə görüşü olmuşdu.

BUTA.TV xəbər verir ki, bu sözləri politoloq Elxan Şahinoğlu hazırda ABŞ-da Dövlət katibi Entoni Blinkenin səyi ilə Azərbaycan və Ermənistan XİN başçılarının davam edən görüşü haqda bildirib.

Politoloq deyib ki, 22 ilcəki görüş intensiv olaraq 4 gün davam etmiş və nəticəsiz qalmışdı:

“Ermənistan həmin dövrdə özünü müharibənin qalibi saydığından masada Qarabağ məsələsində heç bir addım atmaq istəmirdi. Hazırda rollar dəyişib. İndi məğlub Ermənistanın tələsməyə ehtiyacı var. Vaşinqtonda Dövlət katibi Entoni Blinkenin vasitəçiliyi ilə Azərbaycan və Ermənistan xarici işlər nazirləri üçtərəfli müzakirələrə başlayıblar. Nazirlərin görüşündə irəliləyiş əldə edilərsə, Vaşinqton liderlərin görüşünə də ev sahibliyinə iddialı olacaq”.

Ekspert “Kolin Pauellin bacarmadığını Blinken edə biləcəkmi?” sualına bu cür cavab verib:

“Bu, Ermənistanın sülh sazişi mətnində Azərbaycanın ərazi bütövlüyünü və Qarabağı Azərbaycan ərazisi kimi tanımasına hazır olmasından asılıdır”.

• Azərbaycan Braziliya Ciu-citsu İctimai Birliyinin təşkilatçılığı ilə Ümumrespublika Seminarı keçirilmişdir. 
• Şuşaya hücum hazırlayan məsul şəxsin adı açıqlandı
• Azərbaycan benzinini alan erməni oliqarx kimdir?
• Taleh Ziyadov bu federasiyanın prezidenti seçildi
• Bəxtiyar Vahabzadənin övladları İlham Əliyevə məktub yazdı
• Vardanyanın Bakıdan İrəvana zəngi: Oğluna nələr dedi...
• Ceyhun Rəhmanova MOK-da yeni vəzifə verildi
• İstanbulla İrəvan arasında müntəzəm uçuşlara başlanılır