Rusiya sülhməramlı kontingentinin yeni komandanı Aleksandr Lentsov Xankəndidə yenidən separatçılarla görüşüb.
BUTA.TV xəbər verir ki, görüşdə separatçıların lideri Araik Arutyunyan da daxil olmaqla, bir çox separatçı iştirak edib.
Onlar 10 noyabr 2020-ci il bəyanatını 6-cı maddəsinə (Laçın yolu ilə bağlı) əməl olunmasını istəyiblər. Lentsov isə yaxın günlərdə Bakıya gedəcəyini (onun 3 mayda Bakıya gələcəyi gözlənilir – red.) və müzakirələr aparacağını bildirib.
Qeyd edək ki, Həkəri körpüsü üzərində sərhəd-keçid məntəqəsi qurulduqdan sonra erməni separatçılar və Ermənistan rəsmiləri 10 noyabr 2020-ci il bəyanatının 6-cı bəndini əsas gətirməyə çalışırlar. Halbuki sözügedən bəyanatın 4-cü bəndi – rus sülhməramlı kontingentinin yerləşməsi ilə erməni silahlı birləşmələrinin Azərbaycan ərazisindən çıxması və 9-cu bəndi – Azərbaycanın qərb rayonları ilə Naxçıvanı birləşdirən və Rusiya FTX-nin nəzarətində olacaq yolun açılmasını təmin etməməklə, bəyanatın maddələrini çoxdan pozublar.
Əvəzində isə Azərbaycanın humanitar yol kimi maneəsiz gediş-gəlişə şərait yaratdığı Laçın yolundan silah, mina daşınması və Qarabağdakı qanunsuz silahlıların yenidən toparlanması, sayının artırılması üçün sui-istifadə ediblər.
Hazırda da yol humanitar məqsədlər üçün açıqdır, lakin Ermənistan artıq bu yolla silah-sursat, mina və şəxsi heyət daşıya bilmir.
- Azərbaycan Braziliya Ciu-citsu İctimai Birliyinin təşkilatçılığı ilə Ümumrespublika Seminarı keçirilmişdir.
- Şuşaya hücum hazırlayan məsul şəxsin adı açıqlandı
- Azərbaycan benzinini alan erməni oliqarx kimdir?
- Taleh Ziyadov bu federasiyanın prezidenti seçildi
- Bəxtiyar Vahabzadənin övladları İlham Əliyevə məktub yazdı
- Vardanyanın Bakıdan İrəvana zəngi: Oğluna nələr dedi...
- Ceyhun Rəhmanova MOK-da yeni vəzifə verildi
- İstanbulla İrəvan arasında müntəzəm uçuşlara başlanılır