İsveç Türkiyənin terrorçuların ekstradisiyası ilə bağlı 28 sorğusundan heç birini təmin etməyib.
BUTA.TV xəbər verir ki, bu barədə Türkiyənin ədliyyə naziri Yılmaz Tunç bildirib.
“Biz İsveçə terrorçu təşkilatlarla əlaqəli olan şəxslərin ekstradisiyası ilə bağlı 28 sorğu göndərmişik. Onlardan 22-nə, çox təəssüf ki, rədd cavabı aldıq. Doqquz sorğu Kürdüstan İşçi partiyasının, səkkizi FETO terror təşkilatının, beşi digər təşkilatların üzvləri ilə bağlı idi. Üç sorğuya müttəhimlərin ölümü və ya oxşar hallarla bağlı rədd cavabı alınıb. Üç sorğuya isə cavab gözlənilir. Lakin İsveç məhkəmə orqanları bu sorğular üzrə mənfi cavab barədə artıq məlumat veriblər”, - deyə nazir qeyd edib.
Tunç xatırladıb ki, İsveç NATO-nun bir hissəsi və Türkiyənin bu alyansdakı tərəfdaşı olmaq niyyətini bəyan edir.
“Parlamentimizin gündəliyində sorğunun təsdiq edilməsi duracaq. Müzakirələr zamanı parlament bütün nüansları nəzərə alacaq. İsveçdən gözləntilərimiz açıq-aydındır. Biz Stokholm tərəfindən terrorçuların bizə verilməsini gözləyirik. Lakin bu məsələdə irəliləyiş yoxdur”, - deyə nazir vurğulayıb.
- İran çalxalanır: əgər parçalansa, azərbaycanlılar...
- Hacıyevdən sülh açıqlaması: Konqresdə bəziləri...
- Məşhur jurnalist barədə həbs qərarı - Axtarışa verildi
- İstanbuldakı 520 minlik yürüşdə Azərbaycana qarşı pankart...
- Ahıl şəxslər üçün Yeni il süfrəsi: Əliyevalar da iştirak etdi
- Erməni mediası Əliyevin çıxışından məhz bu cümləni yaydı
- Dünya üçün fəlakət proqnozu – Azərbaycana da yaxınlaşır
- “Qarabağ bizim idi, indi bizim deyil” ifadəsi tələdir - Paşinyan