Macarıstanın Sekeşfexervar şəhəri yaxınlığında hava şousu zamanı idman təyyarəsinin qəzaya uğraması nəticəsində 2 nəfər ölüb, 4 nəfər müxtəlif dərəcəli bədən xəsarətləri alıb.
BUTA.TV xəbər verir ki, təyyarə idarəetmədən çıxaraq yerə çırpılıb və partlayıb.
Polis idarəsindən verilən məlumata görə, qəza nəticəsində 67 yaşlı qadın və 37 yaşlı kişi həlak olub.
Təyyarə dayanacağın yanında yerə düşüb və partlayıb, orada dayanan avtomobillərdən biri yanıb. Avtomobildə və onun yanında olan şəxslər - iki böyük və iki uşaq yanıq və digər bədən xəsarətləri alıblar.
Onlar təcili yardım maşını ilə Sekeşfexervar və Budapeştdəki xəstəxanalara aparılıblar.
Faciəli insidentdən sonra hava şousu dayandırılıb. Qəzanın səbəbi hələlik məlum deyil, araşdırmalara başlanılıb.
- Məhkəmədən Adnan Əhmədzadə ilə bağlı qərar...
- Azərbaycana görə qiymətlər azaldı - Paşinyan
- Xomeyni kimi “qayıdış”: Rza bacaracaq? - Semivolos
- Azərbaycanla bu yarışa girməyəcəyik - Papikyan
- ABŞ “Ermənistanla” dedi: Azərbaycanın adını çəkmədi
- Azərbaycanda və Hindistanda su itkisinin həcmi...
- Şıxlinskiyə qarşı yeni ittiham: 22 milyonluq təzminat...
- Onlar Bakıdan Ermənistana gedəcək