Nazirin hərbi və ya mülki şəxs olması məsələsi ölkə qanunvericiliyi və hərbi doktrinasında orduya verilən vəzifələrlə birbaşa bağlı olur. Avropa, ümumiyyətlə, NATO təcrübəsinə nəzər saldığımız zaman bir çox ölkədə mülki sistemdə fəaliyyət göstərən qadınların da müdafiə naziri təyin edilməsi təcrübəsinin olduğunu görə bilərik.
Bu sözləri BUTA.TV-a açıqlamasında hərbi ekspert Ədalət Verdiyev Rusiya Prezidenti Vladimir Putinin müdafiə naziri postuna mülki şəxsi (iqtisadçı alim Andrey Belousovu) təyin etməsi və bu NATO təcrübəsinin Azərbaycanda da mümkün tətbiqi haqda danışarkən deyib.
Ekspert Türkiyənin ordu modelinə keçən Azərbaycanda da tədricən belə islahatların keçirilməsini mümkün olduğunu bildirib:
“Müdafiə naziri vəzifəsinə mülki şəxsin təyin olunması silahlı qüvvələri təminat, təchizat, tender, satınalmalar kimi böyük vəsaitlərin dövr etdiyi proseslərdən kənarda saxlamaq məqsədi daşıyır. Nazir birbaşa ordunun təchizatı, maliyyələşməsi və s. məsələlər ilə məşğul olur. Belə addımlar Türkiyə də atılıb. Əgər biz də Türkiyə ordu modelinə keçiriksə, gələcəkdə zərurət yarandığı halda analoji addımlar Azərbaycanda da atıla bilər. Amma bu, yalnız Ali Baş Komandan İlham Əliyevin səlahiyyətlərinə daxildir. Sözügedən proses müvafiq qanunvericilik aktlarında dəyişiklikləri zəruri edir. Bununla Baş Qərargahın daha çox döyüş tapşırıqları ilə məşğul olmasına şərait yaratmaq və silahlı qüvvələrin üzərinə düşən iqtisadi yükü kifayət qədər azaltmaq mümkündür”.
- Məşhur jurnalist barədə həbs qərarı - Axtarışa verildi
- İstanbuldakı 520 minlik yürüşdə Azərbaycana qarşı pankart...
- Ahıl şəxslər üçün Yeni il süfrəsi: Əliyevalar da iştirak etdi
- Erməni mediası Əliyevin çıxışından məhz bu cümləni yaydı
- Dünya üçün fəlakət proqnozu – Azərbaycana da yaxınlaşır
- “Qarabağ bizim idi, indi bizim deyil” ifadəsi tələdir - Paşinyan
- Ermənilərin Qarabağa qayıdışı... - Vardanyan
- Rusiyadan təyyarəmizlə bağlı yeni açıqlama: Hər şeyi edəcəyik