Xəbər verdiyimiz kimi, Slokaviyanın Baş naziri Robert Fitso hökumət iclasının keçirildiyi binanın qarşısında güllələnib.

BUTA.TV Globalinfo.az-a istinadən xəbər verir ki, baş nazirin güllələnməsindən sonra sosial şəbəkələrdə onun Ukrayna müharibəsinə görə Qərbi ittiham etməsi görüntüləri paylaşılıb.

R.Fitso çıxışlarından birində Ukraynada baş verən müharibəyə görə Qərbi ittiham edir:

“Ruslar və ukraynalıların 10 il davamlı olaraq bir-birilərini öldürmələrindənsə, bu müddəti danışıqlar masası ətrafında keçirmələri daha yaxşıdır. Bu müharibəni Qərb istəyir və dəstəkləyir. Bu fakt 2022-ci ildə, bəzi Qərb dövlətləri Ukraynanı Rusiya ilə sülh sazişi imzalamaqdan çəkindirəndə ortaya çıxdı. Deyirlər ki, biz Ukraynadakı müharibədən Rusiyanı zəiflətmək üçün istifadə edəcəyik. Ukraynaya hərbi və iqtisadi yardım göstərəcək, Rusiyaya qarşı sanksiyalar tətbiq edəcəyik. Lakin bu işə yaramır. Mən iddia edirəm ki, Qərbin Ukrayna ilə bağlı strategiyası işləmir”.

Dəfələrlə Qərbi tənqid edən R.Fitso Üçüncü Dünya müharibəsinin başlaya biləcəyini əsas göstərərək Ukraynanın NATO-ya daxil olması fikrinə də qarşı çıxıb, AB və NATO-nu “sülh” sözünü işlətmədiyinə və daim müharibədən bəhs etdiyinə görə tənqid edib.

Qeyd edək ki, hazırda baş nazirin vəziyyətinin ağır olduğu, qarın nahiyəsindən və döş qəfəsindən yaralandığı bildirilir. R.Fitso vertolyotla Bratislava xəstəxanasına aparılır.

• Məşhur jurnalist barədə həbs qərarı - Axtarışa verildi
• İstanbuldakı 520 minlik yürüşdə Azərbaycana qarşı pankart...
• Ahıl şəxslər üçün Yeni il süfrəsi: Əliyevalar da iştirak etdi
• Erməni mediası Əliyevin çıxışından məhz bu cümləni yaydı
• Dünya üçün fəlakət proqnozu – Azərbaycana da yaxınlaşır
• “Qarabağ bizim idi, indi bizim deyil” ifadəsi tələdir - Paşinyan
• Ermənilərin Qarabağa qayıdışı... - Vardanyan
• Rusiyadan təyyarəmizlə bağlı yeni açıqlama: Hər şeyi edəcəyik