İranın Ali Milli Təhlükəsizlik Şurası katibi Əli Əkbər Əhmədianın Bakı və İrəvana səfəri böyük əhəmiyyət kəsb edir. Həmin səfərlər həm regional vəziyyətin qiymətləndirilməsi, həm də İranın maraqları kontekstində nəzərdən keçirilməlidir.
BUTA.TV xəbər verir ki, bu sözləri erməni hərbi ekspert Vitali Manqasaryan Əhmədianın 8-9 yanvarda Bakı və İrəvana səfərinə münasibət bildirərkən deyib.
“Düşünürəm ki, İran Azərbaycanın Ermənistana qarşı niyyətlərini, eləcə də hərbi imkanlarının və planlarının təfərrüatını mümkün qədər yaxşı anlamağa çalışır. İran Ermənistanın təhlükəsizlik problemləri və regional təhlükəsizlik sisteminə təsir göstərə biləcək mümkün hərbi razılaşmalarda da maraqlıdır və erməni tərəfinin işləmək üçün geniş meydanı var”, - o bildirib.
Manqasaryanın fikrincə, İran Azərbaycanın təzyiqi ilə Ermənistanın Zəngəzur dəhlizi məsələsində fikrinin dəyişib-dəyişmədiyini də müəyyənləşdirməyə çalışır:
“İran Cənubi Qafqazda Rusiya, Türkiyə və Qərbin təsirini balanslaşdıraraq güclü regional oyunçu kimi çıxış etmək istəyir. Səfər vasitəsilə Tehran öz maraqlarını ardıcıl şəkildə qorumağa davam etdiyi və mümkün gərginliyin qarşısını almaq üçün vasitəçi kimi çıxış etməyə hazır olduğu barədə siqnal göndərir.
Ermənistan təhlükəsizliyi təmin etmək üçün İranla əlaqələrindən istifadə etməlidir”.
- Kazinoların açılması ilə bağlı layihə ilk oxunuşdan keçdi
- Paşinyan “Turan birliyi”ni dəstəklədi - İstanbulda şok cavab
- Növbəti addım: Naxçıvanın muxtar statusu ləğv edilir?
- Putinin “rus əsgəri çəkməsi” bəyanatı və Bakının addımı…
- Paşinyan Türkiyəyə buna görə gedibmiş - İnanılmaz detallar
- Şuşa Azərbaycan mədəniyyətində çox mühüm rol oynayır
- Paşinyanın tarixi səfəri – Ərdoğandan 3 istəyi var…
- Üstünlük İsraili tərk edir, İran özünə gəlir - Tramp niyə gözləyir?