Belarusun BATE (Borisov) UEFA Konfrans Liqasındakı ev oyunlarını Azərbaycanda keçirəcək.
“BUTA.TV” xəbər verir ki, Borisov təmsilçisi rəqiblərini qəbul etmək üçün ev stadionu olaraq Sumqayıt şəhərindəki Mehdi Hüseynzadə adına şəhər stadionunu seçib.
Belarus klubu Konfrans Liqasındakı rəqibləri ilə qarşılaşmaları məhz bu arenada keçirəcək.
BATE avrokuboklardakı mübarizəsinə turnirin birinci təsnifat mərhələsindən başlayacaq. Bu mərhələnin püşkatma mərasimi iyunun 16-da keçiriləcək, ilk oyunlar isə iyulun 9-u və 16-sı tarixlərində baş tutacaq.
Qeyd edək ki, Ukraynadakı müharibə səbəbindən UEFA Belarus klublarının öz ev oyunlarını yerli stadionlarda keçirməsini qadağan edib. Bu səbəbdən ölkə təmsilçiləri beynəlxalq matçları neytral meydanlarda keçirmək məcburiyyətindədirlər.
Məlumat üçün bildirək ki, Belarus klubunun məhz Sumqayıtı seçməsinə əsas səbəb paytaxtda yaranacaq sıxlıqdır. Belə ki, Azərbaycanın avrokuboklardakı təmsilçiləri – “Qarabağ”, “Neftçi”, “Zirə” və “Sabah” komandaları təsnifat mərhələsindəki ev matçlarını Bakıda keçirəcəklər.
Bu gönderiyi Instagram'da gör
- Trampdan Netanyahuya sərt xəbərdarlıq - “Tezliklə tək qalacaqsan”
- Eldar Əzizovun oğlu yüksək vəzifəyə təyin olundu
- Vurulan gəmidə olan azərbaycanlıdan xəbər yoxdur - Video
- Bu gecə “qovuşurlar”
- Belarus klubu ev oyunlarını Sumqayıtda keçirəcək
- Sabah Bakının bu qəsəbələrində qaz olmayacaq
- Qırmızıda keçdi, irad bildirən sürücünün də maşınını vurdu - Video
- İyul imtahanları öncəsi mühüm xəbərdarlıq