Bu gün bir qrup azərbaycanlı Türkiyənin Adana şəhərindən Vətənə təxliyə olunacaq.

BUTA.TV xəbər verir ki, bu barədə Azərbaycanın Türkiyədəki səfirliyindən məlumat verilib.

Bildirilib ki, təxliyə avtobusu fevralın 10-da saat 17:00-də Adana avtovağzalından Azərbaycana yola düşəcək.

Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonu olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub. Güclü yeraltı təkanlardan sonra bölgədə 6,6 maqnitudayadək yüzlərlə afterşoklar qeydə alınıb. Təbii fəlakət Türkiyə və Suriyada böyük dağıntı və minlərlə itkilərə səbəb olub.

İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.

Türkiyə Prezidenti Rəcəb Tayyib Ərdoğan ölənlərin xatirəsini anmaq üçün ölkədə 7 günlük matəm elan edib. Bundan başqa, ölkənin zəlzələ baş verən 10 şəhərində 3 aylıq fövqəladə vəziyyət elan olunub.

Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.

• “Azərsun Holdinq” Biləsuvar Konserv Zavoduna mediatur təşkil edib
• Naxçıvanda 2800 illik yazı: Ermənilərə istinadla tərcümə edilib?
• Xaricdə təhsil üzrə sənəd qəbulu başa çatdı
• Prezident fərman imzaladı
• Prezidentdən Ramiz Fətəliyevlə bağlı sərəncam
• “Bakcell”in yeni baş icraçı direktoru o seçildi
• Novxanıda gizli narkobunker aşkarlandı - Video
• Şimşək, dolu, sel... - Xəbərdarlıq