Son günlər Azərbaycanın hüquq-mühafizə orqanları İranla əlaqədə şübhəli bilinən şəxslərin həbsi istiqamətində bir sıra tədbirlər həyata keçirir. Bu proseslərdə dövlətin və dövlətçiliyin yanında ola bilməyən həm daxildə, həm də xaricdə fəaliyyət göstərən destruktiv qruplar Azərbaycanda guya dindarların kütləvi həbsinin həyata keçirildiyi haqda geniş təbliğata başlayıblar.

BUTA.TV xəbər verir ki, bunu millət vəkili Ceyhun Məmmədov qeyd edib.

Millət vəkili vurğulayıb ki, hətta bir sıra hallarda ciddi şişirdilmiş rəqəmlər də səsləndirilir:

“Əlbəttə, burada əsas məqsəd dindar kontingentin rəğbətini qazanmaq və özlərini onların müdafiəçisi kimi təqdim etməkdir. Eyni zamanda bu, onu göstərir ki, bütün sözügedən qruplar eyni mənbədən qidalanır və təlimatı eyni yerlərdən alır.

Çox böyük ehtimal ölkəmizlə bağlı beynəlxalq təşkilatların hazırladıqları növbəti hesabatlarda da bu məsələ ilə bağlı tənqidi fikirlər yer alacaq. Əsas məqsəd isə Azərbaycana təzyiqi artırmaq olacaq.

Heç şübhəsiz ki, bu addımlar Azərbaycanın hüquq-mühafizə orqanları tərəfindən sırf təhlükəsizlik məqsədilə atılır. Dünyanın müxtəlif bölgələrində də ayrı-ayrı ölkələr zaman-zaman belə tədbirləri təhlükəsizlik məqsədilə həyata keçirirlər.

Həbs olunan şəxslərin sayı, həbs olunma səbəbi və cinayətləri barədə növbəti mərhələdə ictimaiyyətə geniş və ətraflı məlumatın veriləcəyinə heç kimin şübhəsi olmasın”.

• Türkiyə də Ukrayna müharibəsinə sürüklənir: Tərəf seçə bilər
• İlham Əliyev Piterə gələ bilər - Peskov
• Vardanyanın saxlanma şəraiti ilk dəfə göstərildi - Video
• Hökumə Əliyevanın ailə üzvləri Aktauya getdi - Video
• Rusiyanın Türkiyəyə qarşı təxribatı - Nə baş verir?
• Bu şəxslərə bayramla əlaqədar 500 manat mükafat verildi
• Ermənistana investisiyalar Türkiyə üçün risklər yaradır
• Ermənistana ixrac edilən neft məhsullarının ilk partiyası - Video