Ermənistan silahlı qüvvələrinin Azərbaycanla sərhəddə yerləşən 3-cü Ordu Korpusunda vəziyyət acınacaqlıdır.
BUTA.TV xəbər verir ki, bunu “Aravot”un keçmiş jurnalisti Voskan Sərkisyan öz Feysbuk səhifəsində yazıb.
“Polkovnik Aleksandr Çakanyan korpus komandiri vəzifəsinə təyin edildikdən sonra onun tabeliyində xidmət etmək istəməyən bir çox zabit raport yazıb və işdən çıxıb. Bu barədə mənə 3-cü Ordu Korpusunun hərbçiləri deyiblər. Zabitlərin işdən çıxarılması nəticəsində burada bir çox vəzifələr boş qalıb. Eyni zamanda, korpusda döyüş postlarının təşkilində də problemlər var. Ermənistan Müdafiə Nazirliyinin Baş Hərbi Müfəttişliyi 3-cü Ordu Korpusunun vəziyyətini mənfi qiymətləndirib və buna görə də korpus komandiri polkovnik Çakanyan general rütbəsi almayıb”, - o bildirib.
Sərkisyan qeyd edib ki, Müdafiə Nazirliyində Çakanyanın korpus komandiri vəzifəsindən azad edilməsi məsələsi qaldırılıb:
“Lakin müdafiə naziri Papikyan onun vəzifəsini davam etdirməsində maraqlı olduğu üçün Çakanyanın işdən çıxarılmasına icazə verməyib. 3-cü Ordu Korpusunun bir qrup zabiti cinayət işi çərçivəsində istintaqa cəlb olunub. Yaxın vaxtlarda onlar haqqında da məlumat verəcəyəm”.
- Ermənilərin Qarabağa qayıdışı... - Vardanyan
- Rusiyadan təyyarəmizlə bağlı yeni açıqlama: Hər şeyi edəcəyik
- Vətən müharibəsində xalq buna şahid oldu - Deputat
- İlham Əliyev göstəriş verdi: Ləğv ediləcək
- Bakı Moskvanın qarşısını belə alır, İrəvan isə...
- Zakir Həsənov şəxsi heyəti təbrik etdi
- Mehriban Əliyevadan bayramlarla bağlı paylaşım
- Dünya Azərbaycanlılarının Həmrəyliyi Günüdür