Əla nəticə qazandıq. Güclü rəqibə qarşı yaxşı oynadıq, əsl kişilik göstərdik.
BUTA.TV xəbər verir ki, bunu “Sabah”ın baş məşqçisi Murad Musayev Bakıda Latviyanın RFŞ komandasına 2:1 hesabı ilə qalib gəldikləri UEFA Konfrans Liqasının II təsnifat mərhələsinin cavab oyunundan sonra mətbuat konfransında deyib.
"Bir az həyəcan var idi. Bu da ilk avrokubok oyunu olması ilə bağlıdır. Çox vaxtımız yoxdur. İki gün sonra "Qəbələ" ilə matçımız var. Mövsümə yaxşı başladıq", - M.Musayev vurğulayıb.
Matçdan sonra RFŞ-nin baş məşqçisi Viktor Moroz "Sabah"ın meydana hesabı qorumaq üçün çıxdığını iddia edib. 40 yaşlı çalışdırıcı həmkarının fikirləri ilə razılaşmayıb: "Hədəfimiz hər zaman hücum futbolu oynamaqdır. Hesabı qorumağa çalışsaydıq, səhv olardı. Ötən mövsüm də ən az qol buraxan komandalardan idik".
Musayev III təsnifat mərhələsindəki rəqibləri olan Serbiya "Partizan"ı barədə fikir bildirməyin erkən olduğunu svurğulayıb: "İndi nəsə deyə bilmərəm. Hələ oyunlarına baxmamışam. Mərhələ adlamağa çalışacağıq".
Qeyd edək ki, Konfrans Liqasında III raundun oyunları 10-17 avqustda keçiriləcək.
- Məşhur jurnalist barədə həbs qərarı - Axtarışa verildi
- İstanbuldakı 520 minlik yürüşdə Azərbaycana qarşı pankart...
- Ahıl şəxslər üçün Yeni il süfrəsi: Əliyevalar da iştirak etdi
- Erməni mediası Əliyevin çıxışından məhz bu cümləni yaydı
- Dünya üçün fəlakət proqnozu – Azərbaycana da yaxınlaşır
- “Qarabağ bizim idi, indi bizim deyil” ifadəsi tələdir - Paşinyan
- Ermənilərin Qarabağa qayıdışı... - Vardanyan
- Rusiyadan təyyarəmizlə bağlı yeni açıqlama: Hər şeyi edəcəyik