Fərid Səfərlinin cinayət işini hüquqi deyil, siyasi proses olaraq dəyərləndirirəm və qınayıram.

Bu sözləri BUTA.TV-a tanınmış güneyli vəkil, Azərbaycan İnsan Haqları Təşkilatının sədri Nağı Mahmudi Fəridə qarşı irəli sürülmüş yeni ittihamı şərh edərkən deyib.

Onun sözlərinə görə, yeni ittiham əvvəlkinə nisbətən daha yüngül hesab olunur:

“Fərid Səfərlinin ittihamının dəyişdirilməsi onun xeyrinədir. Əvvəlki casusluq ittihamına görə azərbaycanlı gəncin cəzası 2 ildən 10 ilə qədər ola bilərdi. Casusluq niyyəti ittihamı sübut olunarsa, ona 1 ildən 5 ilədək cəza tətbiq olunma ehtimalı var”.

Tanınmış hüquqşünas Fərid Səfərlinin hələ də vəkillə təmin olunmamasına da münasibət bildirib:

“Vəkil məsələsi qəlizdir. Hazırda Tehranın Evin həbsxanasında saxlanılan tələbənin vəkillə təmin olunmamasının səbəbləri aydındır. Bəzi vəkillər qorxub çəkinir deyə bu məsələ belə qalıb”.

Qeyd edək ki, F.Səfərli fevralın 20-də eyni universitetdə təcrübə keçmiş həkim sevgilisini görmək üçün Tehran şəhərinə gedib. O, martın 5-də Almaniyaya qayıtmalı olsa da, geri dönməyib. Martın 4-dən etibarən Fəridin telefonu sönüb, onunla əlaqə tamamilə itib. Azərbaycan Xarici İşlər Nazirliyi martın 9-da Fəridlə bağlı bu ölkəyə nota verib.

• Məşhur jurnalist barədə həbs qərarı - Axtarışa verildi
• İstanbuldakı 520 minlik yürüşdə Azərbaycana qarşı pankart...
• Ahıl şəxslər üçün Yeni il süfrəsi: Əliyevalar da iştirak etdi
• Erməni mediası Əliyevin çıxışından məhz bu cümləni yaydı
• Dünya üçün fəlakət proqnozu – Azərbaycana da yaxınlaşır
• “Qarabağ bizim idi, indi bizim deyil” ifadəsi tələdir - Paşinyan
• Ermənilərin Qarabağa qayıdışı... - Vardanyan
• Rusiyadan təyyarəmizlə bağlı yeni açıqlama: Hər şeyi edəcəyik