Türkiyədə dövlət içərisində yaradılmış gizli qruplaşma böyük bir təxribata hazırlaşırmış. Sözügedən qruplaşma 280 nəfəri izləyib və telefonlarını dinləyib.
BUTA.TV xəbər verir ki, bu barədə “Sabah” qəzetinin xəbərlər koordinatoru Əbdürrəhman Şimşək məlumat yayıb.
“Ankara Polis İdarəsinin Kəşfiyyat Şöbəsinə 280 nəfər dəvət edilib. Əhəmiyyətli adlar var. Çox yüksək səviyyəli siyasətçilər, jurnalistlər var ki, adlarını deməyəcəm. Rəsmi qəzetlərdən birinin Ankara təmsilçisinin də telefonunun dinlənildiyi müəyyən edilib.
Bu dinləmə və monitorinq necə həyata keçirilib? Onu da deyim. Telefon və internet trafiki yoxlanılıb. Dinlənilən 280 nəfərin hansı yanacaqdoldurma məntəqələrindən yanacaq aldıqları, sosial şəbəkələrdə kimlərlə yazışdıqları yoxlanılıb. Böyük isimlər var.
Telefonu dinlənilən və izlənilənlər arasında keçmiş ədliyyə nazirinin oğlu da var. Hazırda Daxili İşlər Nazirliyində bu məsələ araşdırılır”, - Şimşək vurğulayıb.
Qeyd edək ki, türk millətçilərin lideri Dövlət Baxçalının dövlət çevrilişinə cəhd ehtimalı ilə bağlı bəyanatından sonra Türkiyədə xüsusi araşdırma başlayıb.
- Məşhur jurnalist barədə həbs qərarı - Axtarışa verildi
- İstanbuldakı 520 minlik yürüşdə Azərbaycana qarşı pankart...
- Ahıl şəxslər üçün Yeni il süfrəsi: Əliyevalar da iştirak etdi
- Erməni mediası Əliyevin çıxışından məhz bu cümləni yaydı
- Dünya üçün fəlakət proqnozu – Azərbaycana da yaxınlaşır
- “Qarabağ bizim idi, indi bizim deyil” ifadəsi tələdir - Paşinyan
- Ermənilərin Qarabağa qayıdışı... - Vardanyan
- Rusiyadan təyyarəmizlə bağlı yeni açıqlama: Hər şeyi edəcəyik