Avropa Birliyi (AB) Ermənistan-Azərbaycan sərhədinin delimitasiya prosesi çərçivəsində əldə olunan irəliləyişi alqışlayır.

BUTA.TV xəbər verir ki, bu barədə AB-nin mətbuat xidmətinin bəyanatında deyilir.

“AB 1991-ci il Almatı sazişi əsasında Ermənistan-Azərbaycan sərhədinin delimitasiyası prosesi çərçivəsində əldə edilmiş irəliləyişi, xüsusilə də Ermənistan-Azərbaycan sərhəd komissiyalarının mayın 15-də keçirilmiş 9-cu görüşü zamanı imzalanmış protokolu alqışlayır. AB tərəfləri digər həll edilməmiş ikitərəfli məsələlərin həlli üçün əlavə qətiyyətli addımlar atmağa çağırır və Cənubi Qafqaz regionunda davamlı və dayanıqlı sülhün bərqərar edilməsi üçün səyləri dəstəkləməyə sadiqdir”, - bəyanatda bildirilir.

Qeyd edək ki, 2024-cü il mayın 15-də Azərbaycan Respublikası və Ermənistan Respublikası arasında sərhəddə Azərbaycan Respublikasının Baş nazirinin müavini Şahin Mustafayevin və Ermənistan Respublikasının Baş nazirinin müavini Mher Qriqoryanın sədrliyi ilə Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın doqquzuncu görüşü keçirilib. Görüşdə Azərbaycan-Ermənistan sərhədinin dörd hissəsində sərhədin müəyyənləşdirilməsinə dair protokol razılaşdırılıb.

• Məşhur jurnalist barədə həbs qərarı - Axtarışa verildi
• İstanbuldakı 520 minlik yürüşdə Azərbaycana qarşı pankart...
• Ahıl şəxslər üçün Yeni il süfrəsi: Əliyevalar da iştirak etdi
• Erməni mediası Əliyevin çıxışından məhz bu cümləni yaydı
• Dünya üçün fəlakət proqnozu – Azərbaycana da yaxınlaşır
• “Qarabağ bizim idi, indi bizim deyil” ifadəsi tələdir - Paşinyan
• Ermənilərin Qarabağa qayıdışı... - Vardanyan
• Rusiyadan təyyarəmizlə bağlı yeni açıqlama: Hər şeyi edəcəyik