Xəbər verdiyimiz kimi, İran Prezidenti İbrahim Rəisi ötən gün Şərqi Azərbaycan vilayətində baş verən helikopter qəzasında həlak olub.
BUTA.TV xəbər verir ki, İranın sayca 8-ci prezidenti olan İbrahim Rəisi 1960-cı ildə Məşhəd şəhərinin Noqan məhəlləsində anadan olub.
15 yaşında İranın dini-siyasi, ideoloji mərkəzi sayılan Qumda təhsil alıb. İxtisasca hüquqşünas olan İbrahim Rəisi 1981-ci ildə Kərəc şəhərinin prokuroru vəzifəsində çalışıb. Daha sonra isə Həmədan vilayətinin prokuroru olub.
Az müddət sonra isə Loristan, Səman və Kirmanşah bölgələrinin prokuroru olub. Rəisi 1989-cu ildə Tehranın baş prokuroru təyin edilir.
O, 1994-cu ildə ölkənin Müfəttişlik Təşkilatının sədri seçilib, 10 il bu vəzifəsində çalışıb.
2004-cü ildən 2014-cü ilədək ölkənin Ali Məhkəmə sədrinin birinci müavini və 2014-2015-ci illərdə isə İranın baş prokuroru postunda fəaliyyət göstərib.
2015-ci ildə ölkənin ali dini lideri tərəfindən ruhanilərə özəl məhkəmənin rəhbəri olaraq təyin olunub.
2021-ci ildə keçirilən prezident seçkilərində qalib gəlmişdi.
- Erməni mediası Əliyevin çıxışından məhz bu cümləni yaydı
- Dünya üçün fəlakət proqnozu – Azərbaycana da yaxınlaşır
- “Qarabağ bizim idi, indi bizim deyil” ifadəsi tələdir - Paşinyan
- Ermənilərin Qarabağa qayıdışı... - Vardanyan
- Rusiyadan təyyarəmizlə bağlı yeni açıqlama: Hər şeyi edəcəyik
- Vətən müharibəsində xalq buna şahid oldu - Deputat
- İlham Əliyev göstəriş verdi: Ləğv ediləcək
- Bakı Moskvanın qarşısını belə alır, İrəvan isə...