İyunun 12-də saat 8 radələrində İmişli rayonunda 2-ci Qarabağ müharibəsi iştirakçısı, 32 yaşlı Allahşükür Vaqif oğlu Həsənov 99-MP-301 dövlət qeydiyyat nişanlı VAZ-2107 markalı avtomobili etibarnamə olmadan və nəqliyyat vasitəsinin konstruksiyasında dəyişiklik etdiyi üçün Dövlət Yol Polisi (DYP) əməkdaşları tərəfindən saxlanılıb.

BUTA.TV xəbər verir ki, bu barədə Daxili İşlər Nazirliyinin Mətbuat Xidməti məlumat yayıb.

Bildirilib ki, rayon ərazisində avtomobillə təhlükəli manevrlər edən sürücü özünü müharibə iştirakçısı kimi təqdim etməklə avtomobili istədiyi kimi idarə edəcəyini əsas gətirərək qanunsuz hərəkətlərini davam etdirib.

İdarəetmə hüququ olmadan idarə edilən avtomobil mühafizə olunan duracağa yerləşdirilib. Sürücü barəsində toplanan materiallar baxılması üçün aidiyyəti üzrə məhkəməyə göndərilib.

Oxu.az-ın məlumatına görə, bu gün səhər saatlarında A.Həsənov duracağa gələrək qanunsuz tələblər irəli sürməklə üzərinə yandırıcı maddə tökərək intihara cəhd edib. Cəhdin qarşısı ətrafda olan şəxslər tərəfindən alınaraq o xəstəxanaya yerləşdirilib.

Faktla bağlı araşdırma aparılır.

Məlumatı DİN-in Mətbuat Xidmətindən təsdiqləyiblər.

• İlham Əliyevdən Ağ Şəhərlə bağlı paylaşım - Video
• Qarabağ erməniləri ilə bağlı qərar dəyişdi
• Monteneqro ilə vizasız rejim ləğv edilir? - Rəsmi Bakıdan cavab
• Prezidentin işdən çıxartdığı başçı danışdı
• Prezident yeni təyin etdiyi başçını bu səbəbdən işdən çıxardıb
• Rusiyalı biznesmen Azərbaycanla bağlı yalan danışır - Rubinyan
• Kreml Ukraynanın 20%-ni qoparacaq, sonra daha 3 vilayətini...
• Bu müharibədə Azərbaycan vətəndaşlarının iştirakı cinatyətdir!