Hazırda eskalasiya riski var, lakin bu mövzuda mümkün səbəb və fürsətlərin qarşısının alınması üçün hər şey edilməlidir.

BUTA.TV Globalinfo.az-a istinadla xəbər verir ki, bunu Ermənistan parlamentinin spikeri Alen Simonyan jurnalistlərə açıqlamasında deyib.

O, Ermənistanın ərazi iddiasının olmadığını bildirib:

“İrəvan öz öhdəlikləri və razılaşmalarına ciddi şəkildə əməl olunmasına diqqət edir. Eskalasiya riski var, lakin bunun üçün səbəb və imkan yoxdur, olmamalıdır. Biz hər an hər şeyin ola biləcəyinə dair mənfi fərziyələr üzərindən çıxış etməliyik. Heç bir şeyi istisna etməməliyik, əmin olmamalıyıq. Proseslər o qədər sürətlə inkişaf edir ki, yaxın günlərdə çox maraqlı hadisələr ola bilər. Bu, davamlı bir prosesdir”.

Qeyd edək ki, A.Simonyan “yaxın günlərdə çox maraqlı hadisələr ola bilər” deyərkən konkret nəyi nəzərdə tutduğuna aydınlıq gətirməyib.

Bundan başqa, indiki məqamda İrəvandan eskalasiya anonsunun verilməsi birmənalı deyil. Çünki Azərbaycan sərhəddə hər hansı aktivlik nümayiş etdirmir və sülh prosesinə sadiqdir. Bunun müqabilində isə Ermənistan Zəngəzurda yeni mövqelər inşa edir, mühəndis-istehkam işləri aparır.

• Hafka villalarını satdı: Kirayədə qalır
• Gəncədə növbəti dəhşət: Avtomobil təmiri sexində meyiti tapılan Ümidin fotosu
• İranın yanında kim dayanıb? – Real mənzərə şok edir
• İranı vururlar, əvəzində Rusiya pul qazanır - Arkov
• Bakı ilə Ankaranın müqavimət gücünü artırması... - Gülər
• Gülər Azərbaycan Kəşfiyyat Xidmətinin rəisi ilə görüşdü
• "Müdafiə haqqında” qanuna dəyişiklik təklif edilir
• Bakının axtardığı milyarderi Ermənistan saxladı – Samvel kimdir?