Azərbaycanın Baş naziri Əli Əsədov aprelin 14-də Beynəlxalq Əmək Təşkilatının (BƏT) Baş direktoru Jilber Unqbonun başçılıq etdiyi nümayəndə heyəti ilə görüşüb.
BUTA.TV xəbər verir ki, görüşdə Azərbaycan ilə Beynəlxalq Əmək Təşkilatı arasında uzunmüddətli səmərəli tərəfdaşlığın səviyyəsindən məmnunluq ifadə olunub.
Ölkəmizdə əhalinin sosial rifahının yaxşılaşdırılmasının dövlət siyasətinin əsas prioriteti olduğu vurğulanıb. Ötən dövr ərzində həyata keçirilən dörd sosial islahat paketi çərçivəsində milyonlarla insanın sosial təminatında böyük irəliləyişlərin əldə edildiyi diqqətə çatdırılıb. Cari ilin yanvar ayından tətbiqinə başlanılan beşinci sosial islahat paketinin 3 milyon insanı əhatə etdiyi bildirilib.
Azərbaycanda əmək məhsuldarlığının yüksəldilməsi, əmək hüquqları sisteminin mütərəqqi beynəlxalq normalar əsasında təkmilləşdirilməsi, qeyri-rəsmi məşğulluğun qarşısının alınması, məşğulluq proqramlarının genişləndirilməsi istiqamətində aparılan ardıcıl islahatlar barədə bəhs olunub.
Görüşdə Azərbaycan-BƏT tərəfdaşlığının gündəliyində duran məsələlər nəzərdən keçirilib, əməkdaşlığın inkişaf perspektivləri müzakirə olunub.
- Azərbaycanın İsraildən xahişi – Bu da nəticə...
- İrandan şok: Nüvə silahı ilə hədələdi... – Video
- Bakıda tikntinin istinad divarı çökdü- Sakinlər təhlükədə
- Mahmud Əhmədinejat Tehranda güllələndi
- Təbrizi vuran PUA-ların Naxçıvandan “qalxması”… - Sübhani
- Zəngəzur dəhlizini unudun... - Simonyan
- Peskov Azərbaycana təşəkkür etdi
- “Azərbaycan” məhəlləsi bu tarixdə açılacaq