Azərbaycan Respublikası ilə əməkdaşlıq üçün yaxşı imkanlar, fürsətlər və əsaslar mövcuddur.

BUTA.TV Report-a istinadla xəbər verir ki, bunu İran İslam Respublikasının Prezidenti Məsud Pezeşkian Azərbaycana səfərdən öncə açıqlamasında bildirib.

“Biz İran, Azərbaycan Respublikası və Rusiya arasında ticarət, elmi, iqtisadi məsələləri, tranzit yollarını müzakirə edəcəyik", - Prezident söyləyib.

Onun sözlərinə görə, bu səfər dost və qardaş ölkə Azərbaycan Prezidentinin rəsmi dəvəti ilə həyata keçirilir: “Biz həmçinin Azərbaycandakı yaxınlarımızla görüşməkdə maraqlıyıq".

Prezident əlavə edib ki, bu səfər çərçivəsində iş adamları, sənayeçilər və alimlər Azərbaycandakı tərəfdaşlarıyla danışıqlar aparacaq, əlaqələri genişləndirməyə çalışacaq:

“İki ölkə dərin tarixi, mədəni və mənəvi bağlara malikdir. Mən ümid edirəm ki, bu mübadilələr ölkənin bütün sahələrdə inkişafına, böyüməsinə səbəb olacaq. Biz ümumi təcrübəmizi bir-birimizlə bölüşə biləcəyik".

İranın Prezidenti qeyd edib ki, səfər zamanı təcrübə mübadiləsi, ticarət və iqtisadiyyata birgə sərmayə qoymaq üçün imkan əldə ediləcək: “Biz birgə dəhlizlərə sərmayə qoymuşuq".

Qeyd edək ki, İran Prezidenti Məsud Pezeşkian bu gün Azərbaycana səfərə yola düşüb.

• “Azərbaycan” məhəlləsi bu tarixdə açılacaq
• Bakıdan Təl-Əvivə mesaj: Buranı vurmayın
• Daha bir general öldü: İsrail onu da aradan götürsə...
• Azərbaycan və Qazaxıstan Hərbi Dəniz Qüvvələri təlimə başladı
• İranın sağlam qüvvələri hərəkətə keçməlidir - Zülfüqarov
• Ermənistandakı AB müşahidəçiləri durbinlərini İrana tuşladı
• İsrail İranı vurur, Türkiyə Bakını müzakirə edir - Nəyi izah edək?
• İsrail 4 gün əvvəl vəzifəyə təyin olunan generalı öldürdü - Foto